عمرہ کرنے کے خواہش مند افراد کے لئے اہم خبر

وزارت مذہبی امور نے 113 مصدقہ عمرہ کمپنیوں کی فہرست جاری کر دی ہے۔

ترجمان وزارت مذہبی امور کے مطابق یہ فہرست اسلامی سال 1447 ہجری کے لیے قابلِ عمل ہے۔ شہریوں کو ہدایت کی گئی ہے کہ بکنگ کرانے سے قبل لازمی طور پر وزارت مذہبی امور کی ویب سائٹ سے کمپنی کی تصدیق کریں۔

ترجمان نے مزید کہا کہ عمرہ زائرین رقم کی ادائیگی صرف بینک کے ذریعے کمپنی کے اکاؤنٹ میں کریں اور کمپنی سے ادائیگی کی رسید اور معاہدے کی کاپی ضرور حاصل کریں۔

ترجمان کے مطابق عمرہ زائرین کو چاہیے کہ وہ کمپنی سے ویزہ، فضائی ٹکٹ، ٹرانسپورٹ اور رہائش پر مشتمل مکمل پیکج بک کرائیں تاکہ انہیں کسی قسم کی مشکلات کا سامنا نہ کرنا پڑے۔

یہ بھی پڑھیں: عمرہ ویزا کا حصول آسان، سعودی عرب نے ’نسک عمرہ‘ پلیٹ فارم متعارف کروا دیا