نیپرا میں بجلی مہنگی کرنے کی درخواست، صارفین پر مزید بوجھ بڑھنے کا خدشہ

صارفین کے لیے بری خبر ، سینٹرل پاورپرچیزنگ ایجنسی (سی پی پی اے)  نے  19 پیسےفی یونٹ بجلی  مہنگی کرنےکی درخواست نیپرا میں جمع کروادی۔

نیشنل الیکٹرک پاور ریگولیٹری اتھارٹی ( نیپرا)  کے مطابق سینٹرل پاورپرچیزنگ ایجنسی  کی جانب سے جمع کروائی گئی درخواست کے  تحت بجلی اگست کے فیول پرائس ایڈجسٹمنٹ کی مد میں  مہنگی کرنے  کی درخواست کی گئی ہےتاہم  درخواست پر 29 ستمبرکو سماعت کی جائے گی۔

یہ بھی پڑھیں : وزیراعلیٰ پنجاب سولر اسکیم 2025 کے نتائج کا اعلان

نیپرا  کے مطابق اگست میں فی یونٹ بجلی پر فیول لاگت تخمینہ 7 روپے 31 پیسے لگایا گیا تھا۔

دوسری جانب ذرائع کا بتانا ہے کہ درخواست منظوری کی صورت میں ملک بھر کے صارفین پر3 ارب روپے کا اضافی بوجھ پڑ سکتا ہے۔

ماہرین کا کہنا ہے کہ اس وقت عام صارف پہلے ہی مہنگی بجلی اور مہنگائی کی دوہری تلوار کا سامنا کر رہا ہے، اور مزید اضافہ عوامی تشویش کو جنم دے سکتا ہے۔

یہ بھی پڑھیں : پنجاب حکومت کیجانب سے پہلی ای-ٹیکسی سکیم کا باقاعدہ آغاز

یاد رہے کہ گزشتہ مہینوں میں بھی بجلی کی قیمتوں میں کئی بار اضافہ ہو چکا ہے، جس سے متوسط اور کم آمدنی والے طبقے شدید متاثر ہوئے ہیں۔