معروف قانون دان ایمان مزاری اور ان کے شوہر کے ناقابل ضمانت وارنٹ گرفتاری جاری

ڈسٹرکٹ اینڈ سیشن کورٹ اسلام آباد نے ایڈووکیٹ ایمان مزاری اور ان کے شوہر ایڈووکیٹ ہادی علی چٹھہ کے ناقابل ضمانت وارنٹ گرفتاری جاری کر دیے ہیں۔

ریاست اور قومی سلامتی کے اداروں کے خلاف متنازع ٹوئٹ کیس کی سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی۔ سماعت کے دوران عدالت نے حکم دیا کہ دونوں ملزمان کو گرفتار کر کے 24 ستمبر کو عدالت میں پیش کیا جائے۔

عدالت کی جانب سے اس سے قبل ایمان مزاری اور ہادی علی چٹھہ کو طلبی کے نوٹس جاری کیے گئے تھے۔ بعد ازاں ان کے وکلاء نے وارنٹ منسوخی کی درخواست دائر کی، تاہم عدالت نے فی الفور یہ استدعا مسترد کر دی۔

ایڈیشنل ڈسٹرکٹ اینڈ سیشن جج محمد افضل مجوکہ نے ناقابل ضمانت وارنٹ گرفتاری جاری کرتے ہوئے کیس کی مزید سماعت 24 ستمبر تک ملتوی کر دی۔

یہ بھی پڑھیں: ایمان مزاری اور ان کے شوہر جیل سے رہا