شدت پسند مودی حکومت میں ایک بار پھر مسلمانوں کے قتل و غارت کا بازار گرم

ہندو انتہا پسند جماعت بی جے پی کی کٹھ پتلی مودی سرکار میں ایک بار پھر مسلمانوں کی قتل و غارت کا بازار گرم ہوگیا۔

بھارت میں ہندو مسلم فسادات نریندر مودی کی سفاکیت کا ایک اور سیاہ  باب  بن چکے ہیں،  بھارتی وزیراعظم کی سفاک سیاست اور ہندوتو ایجنڈے نے بھارت کو فاشزم کی تجربہ گاہ بنا  کر رکھ دیا ہے۔

انتہا پسند مودی کی ایما پر چلنے والی نام نہاد جمہوریت میں ایک بار پھر ہندو مسلم  فسادات پھوٹ پڑے ہیں اور حالیہ  مذہبی تنازعات  پرکانپور سے پھیلنے والی آگ نے  پورے بھارت کو اپنی لپیٹ میں لے لیا  ہے۔

یہ بھی پڑھیں : مودی کے ذاتی تعلقات، تصویری نمائش اور دکھاوے پر مبنی سفارتکاری بے نقاب

مسلمانوں کے خون کی پیاسی مودی حکومت نے 4 ستمبر کو کانپور میں  “گجرات ٹو” دہرانے کی کوشش کی ہے۔

بھارتی جریدے انڈیا ٹوڈے کے مطابق تنازع کے بعد گجرات سمیت کئی ریاستوں میں پرتشدد جھڑپوں میں کئی معصوم مسلمان زخمی ہوئے  ہیں جبکہ پولیس نے بھی روایتی تعصب کا مظاہرہ کرتے ہوئے اتر پردیش کے متعدد  اضلاع  میں مسلمان مظاہرین  کے خلاف  مقدمات درج کر لیے  ہیں۔

یہ بھی پڑھیں:منی پور نے مودی کو آئینہ دکھا دیا،کرفیو، ہڑتال اور گو بیک مودی کے نعرے

بھارت میں اظہارِ رائے اور مذہبی آزادی اب صرف ہندوتوا نظریے کی تابع بن چکی ہے۔