حکومت نے گندم کی قیمتوں میں استحکام لانے کے لیے جامع حکمت عملی تیار کر لی ہے۔ محکمہ خوراک پنجاب کے حکام کے مطابق صوبے میں گندم مارکیٹ کو پرائیویٹ مافیا کے رحم و کرم پر نہیں چھوڑا جائے گا بلکہ مؤثر ریگولیشن پالیسی کے ذریعے گندم مارکیٹ کو مستحکم بنایا جائے گا۔
حکام نے کہا کہ مقامی خریداری فوڈ سیکیورٹی کا بہترین ذریعہ ہے۔ پنجاب حکومت گندم کی خریداری اور قیمتوں کو مستحکم کرے گی اور کسانوں کو سہارا دینے کے لیے مقامی گندم خریدنے پر غور کر رہی ہے۔
محکمہ خوراک پنجاب کے مطابق صوبہ اپنے اسٹریٹجک ریزروز بھی قائم کرے گا۔ اس سلسلے میں حکومت کی جانب سے واضح ہدایات جاری کر دی گئی ہیں۔ حکام کا کہنا ہے کہ حکومت کے اس فیصلے سے گندم اور روٹی کی قیمتوں میں استحکام لایا جائے گا۔
By 
