سینئر تجزیہ کار حسن ایوب نے بانی پاکستان تحریک انصاف (پی ٹی آئی ) عمران خان کی بہن علیمہ خان کا 26 نومبر کیس میں ٹرائل اور 7 سال تک کی سزا کا انکشاف کر دیا۔
حسن ایوب نے آزاد ڈیجیٹل پوڈکاسٹ میں گفتگو کرتے ہوئے دعویٰ کیا ہے کہ علیمہ خان کا 26 نومبر کیس میں ٹرائل ہوگا اور انہیں جلد ہی 5 سے 7 سال کی سزا ہوسکتی ہے۔
انہوں نے اپنے ٹویٹ میں مزید لکھا کہ علیمہ خانم کو 26 نومبر کے مقدمے میں 5 سے 7 سال کی سزا ہوگی کیونکہ “ہونی کو کوئی نہیں ٹال سکتا۔”
علیمہ خانم کو 26 نومبر کے مقدمے میں 5 سے 7 سال کی سزاء ہوگی کیونکہ ہونی کو کوئی نہیں ٹال سکتا ! https://t.co/4cSz21lj24
حسن ایوب نے کا ایک سوال کے جواب میں کہنا تھا کہ وزیراعظم شہباز شریف نے سفارتکاری کے محاذ پر اچھا کام کیا ہے جس سے ملک کی عزت میں اضافہ ہوا ہے۔
وزیراعظم مختلف ممالک کے سفیروں سے روابط میں کبھی جرمنیاں تو کبھی عربی زبان میں بات چیت کرتے ہیں، جس سے سفیروں کو اپنائیت کا احساس ہوتا ہے۔
حسن ایوب نے مزید کہا کہ علی امین گنڈاپور نے آج عمران خان سے ملاقات کے دوران بتا دیا کہ پارٹی میں ایک فارورڈ بلاک بن چکا ہے۔
قبل ازیں راولپنڈی کی انسداد دہشت گردی عدالت نے علیمہ خان سمیت 10ملزمان کے خلاف 26 نومبر کے احتجاج سے متعلق کیس میں حکم عدولی پر ایس ایچ او اور اے ایس آئی صادق آباد کو گرفتار کرنے کا حکم جاری کر دیا جس پر دونوں اہلکاروں کو کمرہ عدالت سے گرفتار کرلیاگیا۔
میڈیا رپورٹس کے مطابق اے ٹی سی راولپنڈی کے جج امجد علی شاہ نے 26 نومبر سے متلعق احتجاج کے کیس میں چالان کے سمن کی تعمیل نہ کرانے پر ایس ایچ او تھانہ صادق آباد ندیم عباس اور اسسٹنٹ سب انسپکٹر شکیل کی گرفتاری کا حکم دیا۔
By 
