متحدہ عرب امارات نے ویزہ قوانین میں بڑی تبدیلیاں کر دیں

متحدہ عرب امارات نے ویزہ قوانین میں بڑی تبدیلیاں کر دیں اور متعدد نئی ویزہ کی اقسام متعارف کروادیں۔

میڈیا رپورٹس کے مطابق آرٹیفیشل انٹیلجنس (AI) کے ماہرین کیلئے متحدہ عرب امارات نے خصوصی ویزہ جاری کرنے کا اعلان کیا ہے  جس میں مختلف ایوئنٹس، فیسٹولز ، نمائشیں ، کانفرنسنز اور کھیلوں کی سرگرمیوں میں شرکت کے لیے نیا ایونٹ ویزہ بھی متعارف کرایا گیا ہے۔

کروز شپ یا تفریحی شپ سے متحدہ عرب امارات آنے والے سیاحوں کو ملٹی پل انٹری ویزہ دیا جائے گا۔

اماراتی حکومت نے اعلان کیا ہے کہ جنگ یا قدرتی آفات سے متاثرہ افراد کو اسپانسر کے بغیر ایک سالہ رہائشی پرمٹ دیا جائے گا۔

The Federal Authority for Identity, Citizenship, Customs and Port Security announces new amendments and additions to entry visa regulations pic.twitter.com/YAXxLI4XZF

— UAEGOV (@UAEmediaoffice) September 29, 2025

اسی طرح بیواؤں اور طلاق یافتہ خواتین بھی اب بغیر اسپانسر رہائش حاصل کر سکیں گی، رشتہ داروں اور دوستوں کے وزٹ ویزہ کے لیے اسپانسر کی کم از کم آمدنی مقرر کر دی گئی ہے۔

علاوہ ازیں دوست کو اسپانسر کرنے کے لیے کم از کم 15 ہزار درہم ماہانہ آمدنی ہونا ضروری ہے۔

اس کے ساتھ ساتھ کاروباری افراد کے لیے بزنس ویزہ مالی ثبوت پر فراہم کیا جائے گا ، بیرون ملک کمپنی رکھنے کو بزنس ویزا جاری کیا جائے گا۔

یہ بھی پڑھیں: پاکستانیوں کیلئے خوشخبری، نیوزی لینڈ کا بزنس انویسٹر ویزا متعارف کرانے کا اعلان

مزید برآں غیر ملکی ڈرائیورز کے ویزے صرف لائسنس یافتہ ٹرانسپورٹ کمپنی اسپانسر کر سکیں گی۔