امیر بالاج قتل کیس کے مرکزی ملزم طیفی بٹ کو دبئی سے پاکستان پہنچا دیا گیا

امیر بالاج قتل کیس کے مرکزی ملزم خواجہ تعریف گلشن المعروف طیفی بٹ کو دبئی سے لاہور منتقل کر دیا گیا ہے۔

ملزم کو دبئی کی عدالت میں پیش کیا گیا جہاں قاضی نے اس سے پوچھا کہ کیا وہ رضاکارانہ طور پر پاکستان واپس جا کر مقدمات کا سامنا کرنا چاہتا ہے۔

طیفی بٹ نے وطن واپسی پر آمادگی ظاہر کی جس کے بعد عدالت نے اسے پنجاب پولیس کے حوالے کر دیاپنجاب پولیس کی خصوصی ٹیم ملزم کو لے کر لاہور پہنچ چکی ہے۔

یہ خبربھی پڑھیں :بالاج ٹیپو قتل کیس میں اہم پیش رفت، خواجہ تعریف گلشن عرف طیفی بٹ دبئی سے گرفتار

یاد رہے کہ 4 اکتوبر کو طیفی بٹ کی گرفتاری کی اندرونی تفصیلات بھی سامنے آئی تھیں بتایا گیا تھا کہ اسے دبئی میں ایک دعوت کے دوران ڈرامائی انداز میں گرفتار کیا گیا۔

ملزم کی گرفتاری کے لیے لاہور پولیس نے انٹرپول کے ذریعے ریڈ وارنٹ جاری کروائے تھے بالاج قتل کے فوراً بعد طیفی بٹ اسلام آباد سے گلاسگو فرار ہو گیا تھا تاہم لندن کا ویزا ختم ہونے پر وہ دوبارہ ویزہ تجدید کے لیے دبئی پہنچا جہاں سے اسے گرفتار کر لیا گیا۔

یہ خبربھی پڑھیں :بالاج قتل کیس کے مرکزی ملزم طیفی بٹ کی دبئی میں گرفتاری کی تفصیلات سامنے آگئیں