افغان طالبان حکومتی ترجمان کا پاک فوج کے ٹینکوں پر قبضے کا جھوٹا دعویٰ بے نقاب

افغان طالبان حکومت کے ترجمان کا پاک فوج کے ٹینکوں پر قبضے کا جھوٹا دعویٰ بے نقاب ہوگیا۔

سیکیورٹی ذرائع کے مطابق پاک فوج  کی سخت اور شدید جوابی کارروائی  نے افغان طالبان کو بوکھلاہٹ کا شکار کردیا، شکست خوردہ افغان طالبان بھاری جانی و مالی نقصان اٹھانے کے بعد جھوٹے پروپیگنڈا کا سہارا لینے پر مجبور ہیں ۔

یہ بھی پڑھیں :بلوچستان اور خیبرپختونخوا میں افغان طالبان کے حملے ناکام، درجنوں فنتہ الہندوستان اور خوارج دہشتگرد ہلاک، آئی ایس پی آر

سیکیورٹی ذرائع کے مطابق افغان طالبان  کے ترجمان نے سوشل میڈیا پر  پروپیگنڈا پوسٹ  شیئر کر کے جھوٹ پھیلانے کی ناکام کوشش کی ، ویڈیو میں تاثر دینے کی کوشش کی گئی کہ ٹی 55 ٹینک پاکستانی فوج سے چھینا گیا ہے، روسی ساختہ ٹی 55 ٹینک حقیقت میں افغان طالبان کے زیر استعمال ہے۔

یہ بھی پڑھیں:کرم : افغان طالبان اورفتنہ الخوارج کی بلااشتعال فائرنگ پر پاک فوج کی مؤثرجوابی کارروائی، متعدد پوسٹیں و ٹینک تباہ

سیکیورٹی ذرائع کے مطابق پاکستان  کی مسلح افواج  نے افغان طالبان  کے حملے کو مؤثر طریقے سے پسپا کر دیا ہے، پاک فوج افغان طالبان کے جھوٹے پروپیگنڈا کے باوجود عزم و حوصلے کے ساتھ دفاع وطن میں مصروف ہے۔