صحافی ارشد شریف شہید کی والدہ رفعت آرا علوی انتقال کر گئیں

پاکستان کے معروف صحافی ارشد شریف شہید کی والدہ، رفعت آرا علوی اتوار کو اسلام آباد میں انتقال کر گئیں۔ ان کی عمر 70 سال تھی اور وہ طویل عرصے سے علیل تھیں۔

رفعت آرا علوی نے اپنے بیٹے کی المناک موت کے بعد انصاف کے لیے بھرپور جدوجہد کی۔ انہوں نے حکومت کی تشکیل کردہ تحقیقاتی کمیٹی کو مسترد کرتے ہوئے چیف جسٹس پاکستان کو ایک خط لکھا تھا، جس میں مطالبہ کیا گیا تھا کہ ارشد شریف کے قتل کی تحقیقات کے لیے اعلیٰ عدلیہ پر مشتمل آزاد کمیشن تشکیل دیا جائے۔

یہ بھی پڑھیں:ارشد شریف کا قتل، عمران خان جانتے تھے کہ کچھ بڑا ہونیوالا ہے، فیصل واوڈا کا دعویٰ

ان کا کہنا تھا کہ صرف حقیقت کا علم اور مجرموں کو انصاف کے کٹہرے میں لانے سے ہی ان کے خاندان اور صحافی برادری کی تکلیف کا خاتمہ ممکن ہے۔

Slain journalist Arshad Sharif’s mother Riffat Ara Alvi has passed away in Islamabad.

Read more: https://t.co/yh8OfCF0k5#PakistanConnect pic.twitter.com/Ftug9niG84

— Pakistan Connect (@Pak_Connect) October 26, 2025

رفعت آرا علوی نے اسلام آباد ہائیکورٹ سے بھی رجوع کیا تھا تاکہ اپنے بیٹے کی پوسٹ مارٹم رپورٹ حاصل کر سکیں۔ ان کا کہنا تھا کہ انتظامیہ اور پولیس نے انہیں رپورٹ فراہم کرنے سے انکار کیا تھا، جس سے ان کے خدشات مزید بڑھ گئے۔

یہ بھی پڑھیں:پاک فوج ملک کی سرزمین کو فتنہ الخوارج سے پاک کر رہی ہے، شہباز شریف

 بعد ازاں، وفاقی تحقیقاتی ایجنسی (ایف آئی اے) کے سینیئر ڈائریکٹر عاطر وحید نے ان سے ملاقات کر کے پوسٹ مارٹم رپورٹ فراہم کی، جس میں ارشد شریف کے جسم پر تشدد کے نشانات کی تصدیق کی گئی ۔

مزید پڑھیں:قانون بدل کر بھی 9مئی کے ملزمان کو سزائیں دینی پڑی تو دی جائیں گی، فیصل واوڈا

ان کے انتقال پر صحافی برادری، سیاسی رہنماؤں اور عوامی حلقوں نے گہرے دکھ اور افسوس کا اظہار کیا ہے۔ ان کی جدوجہد اورعزم کو ہمیشہ یاد رکھا جائے گا۔ اللہ تعالیٰ مرحومہ کی مغفرت فرمائے اور اہل خانہ کو صبر جمیل عطا کرے۔ آمین۔