وزیراعظم شہباز شریف کی جاتی امرا میں نواز شریف سےخصوصی ملاقات، اہم امور پر تبادلہ خیال

وزیراعظم شہباز شریف نے جاتی امرا میں مسلم لیگ ن کے سربراہ میاں نواز شریف سے اہم ملاقات کی، جس میں ملکی سیاسی صورتحال، پارٹی امور اور معیشت کی بہتری پر تفصیلی تبادلہ خیال کیا گیا۔

یہ بھی پڑھیں:مسلم لیگ ن سے خفیہ رابطے؟ رانا ثنا اللہ کا پی ٹی آئی اراکین سے متعلق تہلکہ خیز انکشاف

اتوار کو ہونے والی اس ملاقات میں نائب وزیراعظم اسحاق ڈار اور وزیراعلیٰ پنجاب مریم نواز بھی موجود تھیں، جبکہ پارٹی کے دیگر رہنما بھی شریک ہوئے۔

نواز شریف نے اس موقع پر گفتگو کرتے ہوئے کہاکہ ‘ملکی معیشت کو زیادہ سے زیادہ مضبوط کرنا ہے، وقت گزرنے کے ساتھ ساتھ پاکستان ترقی کی جانب جا رہا ہے’۔

انہوں نے وزیراعظم شہباز شریف کو مخاطب کرتے ہوئے کہا کہ ‘شہباز صاحب، آپ کی انتھک محنت کی دنیا بھی تعریف کرتی ہے’۔

مزید پڑھیں:ثمر ہارون بلور مسلم لیگ ن میں شامل ہونے کو تیار، مخصوص نشست سے قومی اسمبلی میں آنے کا بھی امکان

صدر مسلم لیگ ن نے مریم نواز کے کردار کو بھی سراہتے ہوئے کہا کہ ‘مریم نواز پنجاب میں امن و امان کے حوالے سے بہترین اقدامات اٹھا رہی ہیں، ان کی قیادت میں پنجاب ترقی کے منازل طے کر رہا ہے’۔

ملاقات میں پارٹی کے رہنمائوں نے پارٹی امور اور آئندہ سیاسی حکمت عملی پر بھی بات چیت کی۔ ذرائع کے مطابق ملاقات دوستانہ ماحول میں ہوئی اور سیاسی و اقتصادی استحکام کے لیے اقدامات پر اتفاق رائے پیدا کیا گیا۔

یہ بھی پڑھیں:وزیر اعظم کی نواز شریف سے ملاقات،غیر ملکی دوروں سے متعلق تفصیلات بتائیں

پاکستان کے سیاسی مبصرین کے مطابق اس ملاقات سے یہ پیغام بھی گیا ہے کہ مسلم لیگ ن کے رہنما ملکی ترقی اور عوام کی فلاح کے لیے متحد ہیں اور آئندہ بھی پارٹی کی قیادت قومی مسائل کے حل میں فعال کردار ادا کرے گی۔