تیل کی قیمتوں کو ریورس گیئر، قیمتوں میں کمی ، تیل مارکیٹ سے بڑی خوشخبری آگئی

عالمی سطح پر تیل کی بڑھتی ہوئی قیمتوں اور توانائی بحران کے خدشات کے دوران ایک اچھی اور خوش آئند خبر سامنے آئی ہے کہ عالمی مارکیٹ میں خام تیل کی قیمتوں میں معمولی کمی ریکارڈ کی گئی ہے۔

حالیہ تجارتی سیشن کے دوران بین الاقوامی منڈی میں خام تیل کی قیمتوں میں محدود کمی دیکھی گئی جسے صارفین اور درآمدی معیشتوں کے لیے مثبت پیش رفت قرار دیا جا رہا ہے۔

عالمی بینچ مارکس کے مطابق ویسٹ ٹیکساس انٹرمیڈیٹ (WTI) خام تیل کی قیمت معمولی کمی کے بعد تقریباً 101.79 ڈالر فی بیرل تک ریکارڈ کی گئی جبکہ برینٹ کروڈ کی قیمت بھی 105.92 سے 106.30 ڈالر فی بیرل کے درمیان برقرار رہی۔

یہ بھی پڑھیں:چین سے بڑی خبر آگئی ، چین اور امریکا کے مابین کشیدگی کا خطرہ، چینی صدرکا ٹرمپ کو انتباہ

 اگرچہ عالمی سطح پر سپلائی خدشات جغرافیائی کشیدگی اور توانائی کی طلب میں اتار چڑھاؤ موجود ہے تاہم حالیہ سیشن میں قیمتوں میں کمی کو مارکیٹ کے لیے ایک مثبت اشارہ سمجھا جا رہا ہے۔

تجزیہ کاروں کا کہنا ہے کہ اگر آنے والے دنوں میں عالمی سپلائی صورتحال میں بہتری آئی اور کشیدگی میں کمی ہوئی تو خام تیل کی قیمتوں میں مزید استحکام یا کمی بھی دیکھنے کو مل سکتی ہے جس سے عالمی معیشت اور ایندھن درآمد کرنے والے ممالک کو کچھ ریلیف ملنے کا امکان ہے۔