وزیر اعلیٰ پنجاب مریم نواز کی تصاویر کو ایڈٹ کر کے سوشل میڈیا پر وائرل کرنے کے معاملے پر وفاقی تحقیقات ایجنسی (ایف آئی اے) نے کارروائی کا آغاز کر دیا۔
سائبر کرائم ونگ نے حکومت کی درخواست پر اس معاملے کی انکوائری شروع کر دی اور لاہور سمیت ملک بھر میں ان تصاویر کو ایڈٹ کر کے وائرل کرنے والے افراد کے خلاف کارروائی کی جائے گی۔
مریم نواز کی یہ تصاویر متحدہ عرب امارات کے صدر کے ساتھ شیئر کی گئی تھیں، جنہیں بعد میں سوشل میڈیا پر کچھ صارفین نے قابل اعتراض ایڈیٹنگ کے ذریعے وائرل کر دیا۔ مریم نواز کے معاون خصوصی نے 5 جنوری کو ایکس (پہلے ٹویٹر) پر ان کی یو اے ای کے صدر کے ساتھ تصویر شیئر کی تھی، جس میں وزیراعظم شہباز شریف بھی موجود تھے۔
یہ تصویر بعد میں ایڈٹ کر کے سوشل میڈیا پر شیئر کی گئی تھی۔ایف آئی اے کے سائبر کرائم ونگ نے اس معاملے کی انکوائری شروع کر دی ہے اورذمہ داران کے خلاف سخت قانونی کارروائی کی جائے گی۔
By 
