پاکستان تحریک انصاف میں کوئی فارورڈ بلاک نہیں بنے گا : اپوزیشن لیڈر قومی اسمبلی عمر ایوب

اپوزیشن لیڈر قومی اسمبلی عمر ایوب نے کہا ہے کہ بانی پی ٹی آئی عمران خان تک رسائی کے معاملے پر حکومت خوفزدہ ہے۔

نجی ٹی وی میں میزبان کے ساتھ گفتگو کے دوران عمرایوب کا کہنا تھا کہ میرے خلاف بنائے گئے تمام مقدمات جھوٹے ہیں اورپی ٹی آئی قیادت کےخلاف بھی سارے بوگس کیسز بنائےگئے۔

یہ بھی پڑھیں:اپوزیشن لیڈر عمر ایوب بانی پی ٹی آئی سے ملاقات نہ کروائے جانے بیوروکریسی پر برہم

عمر ایوب نے 9مئی کےحوالے سے کہا کہ سی سی ٹی وی فوٹیجز سامنے لائی جائیں، حکومت سےمذاکرات میں بھی ہم نے بانی پارٹی تک رسائی کی شرط رکھی تھی ۔ قائد حزب اختلاف کا کہنا تھا کہ بیرسٹرگوہربطوروکیل بانی پی ٹی آئی سے ملاقات کرلیتے ہیں ۔

طلال چودھری کو ہمدردانہ مشورہ ہےوہ مسلم لیگ ن کی تنظیم سازی پرتوجہ دیں۔ انہوں نے کہا کہ بشریٰ بی بی تک وکلا ءکی رسائی نہیں ہورہی،وہ کیسے کسی کی رسائی روکیں گی، میں نے استعفیٰ دینے کا خود فیصلہ کیا تھا۔

ان کا کہنا تھا کہ ایسی کوئی بات نہیں کہ سلمان اکرم راجہ پارٹی کو سکول کی طرح چلارہےہیں اور پی ٹی آئی میں کوئی فارورڈ بلاک نہیں بنے گا، ووٹ فروخت کرنے والوں کو بھی پارٹی سے نکال دیا گیا ہے۔

یہ بھی پڑھیں:جو کہتے ہیں کوئی ڈیل ہو رہی ہے ان کی عقل چلی گئی ہے ، اعظم سواتی

ایک سوال کے جواب میں ان کا مزید کہنا تھا کہ مقتدرہ سے مذاکرات کا کوئی معاملہ نہیں چل رہا، میری بطوراپوزیشن لیڈرمقتدرہ کےکسی بھی نمائندے سے کوئی ملاقات نہیں ہوئی۔