وفاقی حکومت نے سال 2025 کے دوران سرکاری اور قومی تعطیلات کے حوالے سے باضابطہ نوٹیفکیشن جاری کر دیا ہے۔
نوٹیفکیشن کے مطابق اس سال اہم قومی اور مذہبی مواقع کے سلسلے میں عوام اور سرکاری ملازمین کے لیے چھٹیوں کا باقاعدہ شیڈول ترتیب دیا گیا ہے۔
وفاقی حکومت کے نوٹیفکیشن کے مطابق، 25 دسمبر 2025 بروز جمعرات کو یوم قائداعظم کی مناسبت سے ملک بھر میں عام تعطیل ہوگی۔
یہ موقع نہ صرف قومی یکجہتی کے اظہار کا دن ہے بلکہ ملک کے بانی محمد علی جناح کی قربانیوں اور قیادت کو یاد کرنے کا بھی دن ہے۔
یوم قائداعظم کے موقع پر مختلف سرکاری اور نجی ادارے، تعلیمی ادارے، اور سرکاری دفاتر بند رہیں گے تاکہ شہری اپنے اہل خانہ کے ساتھ اس دن کی مناسبت سے تقریبات اور یادگار تقریبات میں شرکت کر سکیں۔
جبکہ 26 دسمبر 2025 بروز جمعہ کو کرسمس کے بعد مسیحی برادری کے لیے عام تعطیل ہوگی، تاکہ مسیحی ملازمین مذہبی رسومات اور تقریبات میں حصہ لے سکیں۔نوٹیفکیشن میں یہ بھی واضح کیا گیا ہے کہ کرسمس کے موقع پر سرکاری دفاتر میں معمول کے مطابق تعطیل ہوگی تاکہ مذہبی ہم آہنگی اور برادریوں کے احترام کا مظاہرہ کیا جا سکے۔
سرکاری تعطیلات کی پیشگی اشاعت شہریوں کے لیے منصوبہ بندی میں مددگار ثابت ہوتی ہے خاص طور پر وہ لوگ جو طویل سفری منصوبے یا خاندانی تقریبات ترتیب دیتے ہیں۔
By 
