By امریکی صدر ڈونلڈ ٹرمپ نے کہا کہ امریکی تیل غیر قانونی طور پر لینے پر وینزویلا کی ناکہ بندی کی ہے۔
امریکی صدر ڈونلڈ ٹرمپ نے صحافیوں سے بات چیت کرتے ہوئے کہا کہ کسی ایسے شخص یا جہاز کو گزرنے نہیں دیں گے جسے وہاں سے نہیں گزرنا چاہئے، وینزویلا نے ہمارے تمام توانائی کے حقوق لے لیے تھے یہ واپس لینا چاہتے ہیں۔
ڈونلڈ ٹرمپ نے کہا کہ وینزویلا نے امریکی کمپنیوں کو نکال دیا اور ہمارے تیل کے حقوق چھین لئے، امریکیوں کے حقوق چھیننے کے وقت ایسا صدر تھا جو شاید نگرانی نہیں کر رہا تھا۔
امریکا کے وینزویلا آنے جانے والے تیل بردار جہازوں کی ناکابندی کے حکم پر چین وینزویلا کی حمایت میں سامنے آگیا۔
چین نے اپنے ردعمل میں کہا کہ چین تمام یکطرفہ دھونس آمیز رویوں کی مخالفت کرتا ہے، تمام ملکوں کے اپنی خود مختاری کے دفاع کی حمایت کرتے ہیں، دنیا وینزویلا کے جائز حقوق اور مفادات کے دفاع کی حمایت کرے۔
مزید پڑھیں: ٹرمپ نے مزید 7 ممالک کے شہریوں کے امریکا داخلےکی پابندی عائد کردی
