ایشیا کپ انڈر 19 کے فائنل میں بھارت کے خلاف پاکستان کے اوپنر سمیر منہاس نے شاندار بیٹنگ کرتے ہوئے نیا ریکارڈ قائم کیاسمیر منہاس نے 172 رنز کی اننگز کھیلی جس میں انہوں نے 113 گیندوں کا سامنا کیا اور نو چھکے اور 17 چوکے لگائے ان کے چھکوں اور چوکوں کی مدد سے انہوں نے مجموعی طور پر 122 رنز حاصل کیے اور 26 باؤنڈریز لگائیں جس کے بعد وہ سب سے زیادہ رنز بنانے والے پاکستانی انڈر 19 کھلاڑی بن گئے۔
سمیر منہاس نے اپنی جارحانہ بیٹنگ سے بھارتی باؤلرز کو کسی موقع پر بھی کنٹرول کرنے نہیں دیا اور پاکستان کی طرف سے بھارت کو بڑا ہدف دینے میں اہم کردار ادا کیا۔ان کی یہ شاندار کارکردگی ٹیم کے حوصلے کو بھی بڑھانے کا سبب بنی اور فائنل میچ میں پاکستانی ٹیم کو مضبوط پوزیشن دلائی قبل ازیں یہ ریکارڈ شمائل حسن کے پاس تھا، جنہوں نے 2023 میں سری لنکا کے خلاف 150 رنز بنائے تھے، جس میں 94 رنز باؤنڈریز کے ذریعے حاصل کیے گئے تھے۔
سمیر منہاس نے اس ریکارڈ کو نہ صرف توڑا بلکہ اپنی جارحانہ بیٹنگ سے ناظرین اور شائقین کو بھی محظوظ کیا یہ کارکردگی نہ صرف انفرادی بلکہ ٹیم کے لیے بھی اہم رہی کیونکہ اس کے ذریعے پاکستان نے بھارت کے خلاف بڑا ہدف بنایا۔
کرکٹ ماہرین نے سمیر منہاس کی بیٹنگ کو جدید ٹیکنالوجی اور فٹنس کے امتزاج کی بہترین مثال قرار دیا ہے، اور کہا ہے کہ مستقبل میں وہ پاکستانی کرکٹ کے لیے ایک اہم کھلاڑی بن سکتے ہیں۔سمیر منہاس کی یہ ریکارڈ بیٹنگ نوجوان کرکٹرز کے لیے بھی ایک مثال ہے کہ محنت، لگن اور درست تکنیک کے ذریعے وہ شاندار کارکردگی دکھا سکتے ہیں۔
By 
