بڑی عمر کی خواتین پسند ہیں،کہتا ہوں اپنی ماوں کو مجھ سے بچاو،بشری انصاری کے شوہر کے بیان پر سوشل میڈیا پر ہنگامہ

پاکستانی اداکار اور ہدایت کار اقبال حسین نے ٹی وی شو میں اپنے منفرد خیالات کا اظہار کیا، جس پر سوشل میڈیا پر کافی بحث چھڑ گئی ہے۔ اقبال حسین کئی سالوں سے شوبز انڈسٹری کا حصہ ہیں اور انہوں نے زیبائش، نظرِ بد، بندھن، سچ کا سفر، اوور کوٹ سمیت متعدد پی ٹی وی ڈراموں میں اداکاری کی ہے

۔ ہدایت کاری میں ان کے ہٹ ڈراموں میں نظرِ بد، زیبائش، پاگل خانہ، قصہ مہربانو کا، سیتا باگری اور گھوگھی شامل ہیں۔ جلد ہی ان کا نیا ڈراما جہنم گرین انٹرٹینمنٹ پر نشر ہوگا۔

اقبال حسین گزشتہ پانچ سال سے معروف اداکارہ بشری انصاری کے ساتھ شادی شدہ ہیں۔ گزشتہ شب وہ اپنی اہلیہ کے ساتھ ٹی وی شو “شامِ سہور” میں نظر آئے، جہاں میزبان ندا یاسر نے ان سے بات کی۔ اس دوران اقبال حسین نے بتایا کہ وہ ہمیشہ بڑی عمر کی خواتین کی تعریف کرتے ہیں اور شادی کے لیے بھی کسی بڑی عمر کی خاتون کو چاہتے تھے۔

یہ بھی پڑھیں:ملک کے نامور اداکار عاصم بخاری کے مداحوں کیلئے بری خبر

انہوں نے کہا کہ وہ اپنے دوستوں کو ہمیشہ خبردار کرتے تھے کہ ان کی بہنیں ان سے محفوظ ہیں، لیکن ماں جیسی خواتین کے بارے میں یہ ضمانت نہیں دے سکتے، اس لیے بہتر ہے کہ وہ اپنے والدہ کو چھپائیں۔

مزید برآں، انہوں نے کہا کہ وہ بشری انصاری کے بڑے پرستار ہیں اور ایک موقع پر انہیں کافی پریشان دیکھا، تو وہ مدد کے لیے پہنچنا چاہتے تھے لیکن شرم کی وجہ سے رابطہ نہیں کر سکے۔ اقبال حسین نے یہ بھی کہا کہ جب انہوں نے بشری انصاری کو شادی کی پیشکش کی، تو وہ اس معاملے میں سنجیدہ تھے۔

تاہم اقبال حسین کے ان بیانات پر عوام کی جانب سے شدید ردعمل سامنے آیا ہے۔ کئی صارفین نے سوشل میڈیا پر تنقید کرتے ہوئے کہا کہ یہ رویہ مناسب نہیں، اور کچھ نے سوال اٹھایا کہ اگر وہ بڑی عمر کی خواتین کے پرستار ہیں تو پھر پہلے شادی فرح صدیہ سے کیوں کی؟ کچھ صارفین نے ندا یاسر کے پروگرام پر بھی تنقید کی کہ رمضان کے دوران غیر ضروری موضوعات پر بات کرنا مناسب نہیں۔

سوشل میڈیا پر تبصروں میں کہا گیا کہ اقبال حسین اور بشری انصاری کا جوڑا مناسب نہیں لگتا، اور ان کے کچھ بیانات لوگوں کو عجیب اور غیر ضروری لگے۔ عوام کی جانب سے ان کے اس منفرد اظہار خیال پر بحث جاری ہے۔