فٹبال ورلڈکپ، انگلینڈ نے میکسیکو کو شکست دے کر کوارٹر فائنل میں جگہ بنالی

انگلینڈ نے فیفا ورلڈکپ کے پری کوارٹر فائنل میں میزبان میکسیکو کو 2 کے مقابلے میں 3 گول سے شکست دے دی۔

انگلینڈ کی ٹیم میکسیکو کو شکست دے کر فٹبال ورلڈکپ کے کوارٹر فائنل میں پہنچ گئی اور یوں میکسیکو کا ٹرافی جیتنے کا خواب شرمندہ تعبیر نہیں ہوسکا ، کوارٹر فائنل میں انگینڈ اب ناروے سے مقابلہ کریگی۔

میچ میں انگلینڈ کی جانب سے بیلہنگم نے دو جبکہ کپتان ہیری کین نے ایک گول کیا، میکسیکو کے گول کوئی نینس اور جمینینس نے بنائے،میچ میں انگلینڈ کی ٹیم دوسرے ہاف کے 54ویں منٹ سے 10 کھلاڑیوں سے کھیلی ، ریفری نے انگلش پلیئر جیرل کوانساہ کو ریڈ کارڈ دکھا کر میدان سے باہر بھیج دیا۔

یہ بھی پڑھیں :فیفا ورلڈکپ : رونالڈو کی پنالٹی سے قبل “بسم اللہ ” کہنے کی ویڈیو وائرل، مداحوں میں نئی بحث چھڑ گئی

انگلینڈ کے کپتان کا ٹورنامنٹ میں کیا گیا چھٹا گول انہیں گولڈن بوٹ کی دوڑ میں ہالینڈ، لیونل میسی اور کائلان ایمباپے سے صرف ایک گول پیچھے لے آیا ہے۔

آج کھیلے گئے پہلے پری کوارٹر فائنل میں ناروے نے 5 بار کی چیمپئن برازیل کو دو ایک سے شکست دے کر فٹبال ورلڈکپ سے باہر کر دیا۔

یہ بھی پڑھیں :فیفا ورلڈ کپ: میکسیکو نے ایکواڈور کو ہرا کر 40 سال بعد کوارٹر فائنل میں جگہ بنا لی

دوسری جانب فیفا عالمی کپ کے پری کوارٹر فائنل میں ناروے نے شاندار کھیل پیش کرتے ہوئے پانچ بار کی عالمی چیمپئن برازیل کو ایک کے مقابلے میں دو گول سے شکست دے کر ٹورنامنٹ سے باہر کر دیا۔