مظفرآباد میں پاکستان زندہ باد ریلی کا انعقاد،عوام نے کالعدم ایکشن کمیٹی کا بیانیہ مستردکر دیا

بیرونی ایماءپر آزاد جموں و کشمیر کےامن و امان کو تباہ کرنے کے مذموم ایجنڈے پر کاربند کالعدم ایکشن کمیٹی ناکام ہو گئی ۔ 

مظفرآباد میں آزاد جموں و کشمیر کےعوام کی جانب سے پاکستان زندہ باد ریلی کا شاندار انعقاد کیا گیا ۔

پاکستان زندہ باد ریلی میں شہریوں کی بڑی تعداد میں شرکت ، پاکستان کے حق میں نعرے لگائے۔

یہ بھی پڑھیں :کالعدم ایکشن کمیٹی کے رہنمائوں شوکت نواز میر اور خواجہ مہران کی آڈیو کال منظر عام پر آگئی

ریلی میں شہریوں نے پاکستان اور آزاد جموں و کشمیرکے جھنڈوں کو گاڑیوں پر لگا کر بھر پور اظہار یکجہتی کیا اور اس دوران پاکستان کی سول و عسکری قیادت کے تصاویر بھی گاڑیوں پر لگا کر خراج تحسین پیش کیا گیا ۔

آزادکشمیر کے غیورعوام واضح طور پر کالعدم جوائنٹ ایکشن کمیٹی کے گمراہ کن بیانیہ کو مسترد کررہے ہیں۔

مظفرآباد میں ریلی کا انعقاد واضح کرتا ہے کہ آزاد جموں و کشمیر کے غیورعوام کالعدم ایکشن کمیٹی کے مذموم مقاصد کو ناکام بنا رہےہیں۔

🚨🚨مظفرآباد میں پاکستان زندہ باد ریلی، عوام کا بھرپور اظہار یکجہتی، کالعدم ایکشن کمیٹی کا بیانیہ مسترد۔۔۔ pic.twitter.com/x5KY7ydBUl

— Azaad Urdu (@azaad_urdu) June 23, 2026