شمسی توانائی سے آلودہ ہوا کی صفائی،ہوا کو صاف کرنے کا انوکھا منصوبہ متعارف

چین کے شہر ژیان میں فضائی آلودگی کم کرنے کے لیے ایک بڑے ایئر پیوریفکیشن ٹاور پر توجہ حاصل کر رہی ہے۔ تقریباً 100 میٹر بلند یہ ٹاور آلودہ ہوا کو صاف کرنے کے لیے جدید ٹیکنالوجی استعمال کرتا ہے۔

میڈیا رپورٹس کے مطابق یہ نظام شمسی توانائی کی مدد سے آلودہ ہوا کو اپنی جانب کھینچتا ہے، جس کے بعد ہوا کو مختلف مراحل سے گزار کر صاف کیا جاتا ہے اور دوبارہ فضا میں چھوڑ دیا جاتا ہے۔

روزانہ لاکھوں مکعب میٹر ہوا کی صفائی

اس ٹاور کے بارے میں بتایا گیا ہے کہ یہ روزانہ لاکھوں مکعب میٹر ہوا کو صاف کرنے کی صلاحیت رکھتا ہے۔ ابتدائی اعداد و شمار میں ٹاور کے اردگرد ہوا کے معیار میں بہتری کے اشارے بھی سامنے آئے ہیں۔

یہ بھی پڑھیں:زمین اور چاند کے درمیان خلا میں جنگ کا امکان، اہم تحقیق سامنے آگئی

یہ منصوبہ ایسے وقت میں سامنے آیا ہے جب دنیا کے کئی بڑے شہر فضائی آلودگی کے مسئلے سے دوچار ہیں۔ ماہرین کے مطابق جدید ٹیکنالوجی کے ذریعے ہوا کو صاف کرنے کے منصوبے آلودگی کم کرنے کی کوششوں کا ایک حصہ ہوسکتے ہیں، تاہم بڑے پیمانے پر فضائی آلودگی پر قابو پانے کے لیے اخراج میں کمی بھی ضروری ہے۔ چین کا یہ منصوبہ اس بات کی ایک مثال ہے کہ ٹیکنالوجی کو شہری فضائی آلودگی سے نمٹنے کے لیے کس طرح استعمال کیا جاسکتا ہے۔