کرکٹ کے ایوانوں میں ہنگامہ،پاکستان کا بھارت میں شیڈول ورلڈ کپ میں شرکت سے متعلق بڑا فیصلہ سامنے آ گیا

پاکستان نے بھارت میں آئندہ سال ہونے والے اوور 50 کرکٹ ورلڈ کپ میں شرکت نہ کرنے کا فیصلہ کیا ہے۔ پاکستانی ٹیم کو ایونٹ میں شرکت کے لیے حکومت کی اجازت نہیں مل سکی۔

اوور 50 کرکٹ ورلڈ کپ 2027ء کا انعقاد 23 جنوری سے 7 فروری تک حیدرآباد دکن میں شیڈول ہے۔ پاکستان نے گزشتہ سال سری لنکا میں ہونے والا یہ عالمی ٹورنامنٹ جیتا تھا۔

دفاعی چیمپئن کی حیثیت سے پاکستان کو بھارت میں اپنے اعزاز کا دفاع کرنا تھا۔ تاہم حکومتی اجازت نہ ملنے کے باعث پاکستانی ٹیم آئندہ ایونٹ میں شریک نہیں ہوگی۔

حکومتی اجازت نہیں ملی

چیئرمین پاکستان ویٹرنز کرکٹ ایسوسی ایشن فواد اعجاز خان نے کہا ہے کہ ایسوسی ایشن نے وزارت خارجہ اور وزارت داخلہ سے ایونٹ میں شرکت کی اجازت طلب کی تھی۔

 یہ بھی پڑھیں :ٹی 20 ورلڈ کپ ، بھارت کے ساتھ بائیکاٹ کے بعد پاکستانی ٹیم کے لیے سب سے بڑا خطرہ سامنے آگیا

  انہوں نے کہا کہ  چیئرمین پاکستان کرکٹ بورڈ اور وفاقی وزیر داخلہ محسن نقوی نے ٹیم کو شرکت کی اجازت نہ دینے کے فیصلے سے آگاہ کیا۔ اس کے بعد پاکستان نے ورلڈ کپ میں حصہ نہ لینے کا فیصلہ کیا۔

فواد اعجاز خان نے کہا کہ پاکستان ویٹرنز کرکٹ ایسوسی ایشن حکومت کے فیصلے کا احترام کرتی ہے۔ انہوں نے واضح کیا کہ حکومتی اجازت نہ ملنے کے باعث ٹیم ٹورنامنٹ میں شرکت نہیں کرے گی۔

ویزوں اور سکیورٹی کی یقین دہانی

فواد اعجاز خان کے مطابق بھارتی ویٹرنز کرکٹ حکام نے پاکستانی ٹیم کو ویزوں اور اعلیٰ سطح کی سکیورٹی فراہم کرنے کی یقین دہانی کرائی تھی۔تاہم ان یقین دہانیوں کے باوجود پاکستانی ٹیم کو حکومت کی جانب سے بھارت جانے کی اجازت نہیں ملی۔

 یہ بھی پڑھیں :بھارت سے میچ جیتنے کی صورت میں پاکستانی ٹیم کیلئے بڑا اعلان ہوگیا

اعزاز کا دفاع نہیں ہوگا

پاکستان نے 2025ء میں سری لنکا میں ہونے والا اوور 50 کرکٹ ورلڈ کپ جیت کر عالمی اعزاز حاصل کیا تھا۔ آئندہ ٹورنامنٹ میں شرکت نہ کرنے کے باعث پاکستانی ٹیم میدان میں اپنے اعزاز کا دفاع نہیں کر پائے گی۔

فواد اعجاز خان نے ورلڈ کپ کے منتظمین اور شریک ٹیموں کے لیے نیک خواہشات کا اظہار کیا۔ انہوں نے حکومتی فیصلے کو قبول کرنے کا اعلان بھی کیا۔