پاکستان کے سابق کپتان اور مایہ ناز بلے باز محمد یوسف نے ملک کے ابھرتے ہوئے نوجوان کرکٹرز کی صلاحیتوں پر اعتماد کا اظہار کرتے ہوئے آٹھ ایسے کھلاڑیوں کے نام بتائے ہیں جو مستقبل میں پاکستان کرکٹ کے اہم ستارے بن سکتے ہیں۔
محمد یوسف کا کہنا ہے کہ پاکستان میں باصلاحیت نوجوان کھلاڑیوں کی ایک نئی نسل سامنے آ رہی ہے، تاہم اصل سوال یہ ہے کہ نیا کرکٹ سیٹ اپ ان کھلاڑیوں کی صلاحیتوں کو نکھارنے اور اپنے منصوبوں کو عملی شکل دینے میں کتنا وقت لیتا ہے۔
ان کے یہ خیالات ایسے وقت میں سامنے آئے ہیں جب پاکستان نے انگلینڈ کو 87 رنز سے شکست دی اور آئی سی سی کی ون ڈے ٹیم رینکنگ میں آسٹریلیا کو پیچھے چھوڑ کر چوتھی پوزیشن حاصل کی۔
محمد یوسف کے منتخب کردہ آٹھ نوجوان کھلاڑی کون ہیں؟
سوشل میڈیا پلیٹ فارم ایکس پر اپنے خیالات کا اظہار کرتے ہوئے محمد یوسف نے8 نوجوان کرکٹرز کی حمایت کی۔ ان میں حسن نواز، عرفان منہاس، سعد بیگ، سمیر منہاس، رضا اللہ، معاذ صداقت، عاکف جاوید اور علی رضا شامل ہیں۔
محمد یوسف کے مطابق، یہ کھلاڑی پاکستان کرکٹ کے مستقبل کے لیے امید کی کرن ثابت ہو سکتے ہیں۔ ان کی صلاحیتوں سے بھرپور فائدہ اٹھانے کے لیے ضروری ہے کہ انہیں مناسب مواقع، بہتر تربیت اور مسلسل رہنمائی فراہم کی جائے۔
سابق کپتان نے اپنے بیان میں نوجوان کھلاڑیوں کی صلاحیتوں کو سراہتے ہوئے اس بات پر زور دیا کہ نئی نسل کو آگے بڑھانے میں کرکٹ انتظامیہ کا کردار اہم ہوگا۔
اب دیکھنا یہ ہے کہ پاکستان کا نیا کرکٹ سیٹ اپ ان نوجوان کھلاڑیوں کو قومی ٹیم میں اپنی صلاحیتیں منوانے کے کتنے مواقع فراہم کرتا ہے اور کیا یہ کھلاڑی مستقبل میں پاکستان کرکٹ کی کامیابیوں میں اہم کردار ادا کر پاتے ہیں۔
By 
