By پاکستان پیپلزپارٹی کے سینئر رہنما منظور وسان نے کہا ہے کہ آئندہ ماہ اسمبلی میں اہم فیصلے ہونگے اور کچھ تبدیلیاں ہونگی، حالات بتا رہے ہیں کہ بانی پی ٹی آئی کا کوئی مستقبل نہیں ہے۔
تفصیلات کے مطابق پیپلز پارٹی کے سینئر رہنما منظور وسان نے آئندہ ماہ اسمبلی میں اہم فیصلوں اور ممکنہ تبدیلیوں کی پیشگوئی کی ہے۔ ان کا کہنا ہے کہ بانی پی ٹی آئی کی سیاسی مستقبل کے بارے میں حالات واضح ہیں، اور اگر وہ جیل سے باہر نکل بھی جاتے ہیں، تو بھی ان کی مشکلات میں کمی آنے کا کوئی امکان نہیں ہے۔
یہ بھی پڑھیں: پیٹرولیم مصنوعات کی قیمتوں میں نمایاں کمی کا امکان
منظور وسان نے مزید کہا کہ سیاستدانوں کے لیے بھی اچھے دن نظر نہیں آ رہے ہیں۔ ان کے مطابق، سیاستدانوں کی پکڑ دھکڑ نہیں ہونی چاہیے کیونکہ اس طرح کے حالات پارلیمنٹ کی حیثیت کو متاثر کرتے ہیں۔ انہوں نے منتخب نمائندوں کے ساتھ ڈاکوؤں جیسا سلوک کرنے کی مذمت کی اور کہا کہ یہ اقدام غلط ہے۔
انہوں نے بانی پی ٹی آئی کے بیانات کو اسلام آباد میں اچانک آنے والی بارش سے تشبیہ دی۔
