By راولپنڈی میں پوٹھوہار ٹاؤن ڈینگی آؤٹ بریک کا مرکز بن چکا ہے اور اور گزشتہ 24 گھنٹے میں 124 مریض ڈینگی بخار کیساتھ ہسپتالوں میں داخل ہو چکے ہیں۔
تفصیلات کے مطابق انسداد ڈینگی مہم کے باوجود راولپنٖڈی کے مختلف علاقےڈینگی مچھر کا مرکز بن چکے ہیں اور گزشتہ 24 گھنٹوں کے دوران 124 افراد میں ڈینگی پازیٹیو ہونے کی تصدیق کی گئی ہے۔ہسپتالوں میں زیر علاج ڈینگی پازٹیو کے مریضوں کی تعدد میں ہر گزرتےدن کیساتھ اضافہ ہو رہاہے اورڈینگی آؤٹ بریک کا مرکز پوٹھوہار ٹاؤن کے علاقے بن گے ۔ محکمہ صحت کے مطابق ابتک ڈینگی سے متاثرہ کنفرم مریضوں کی تعداد 719 تک پہنچ گئی ہے اور رواں سیزن میں ڈینگی سے 4 مریض زندگی کی بازی ہار گے ہیں ۔
مزید پڑھیں: وفاقی حکومت نے عوام کیلئےبُری خبر سنا دی
محکمہ صحت کے مطابق گزشتہ بیس گھنٹوں میں ڈینگی کے 30 مریض پوٹھوہار ٹاؤن،4میونسپل کارپوریشن علاقوں سے آئے ہیں چکلالہ کینٹ سے 11 مریضوں میں ڈینگی کی تصدیق ہوئی ہے اور گوجرخان 1 اور کلرسیداں سے 1 مریض ڈینگی پازیٹو کیساتھ ہسپتالوں میں داخل کیئےگئے ہیں۔ محکمہ صحت کے مطابق رواں سیزن میں کانگو کے 2 ملیریا کے 651مریض آئے ہیں۔ محکمہ صحت کے مطابقرواں سیزن میں ابتک منکی پاکس کا کوئی مریض نہیں ہے۔محکمہ صحت کے مطابق رواں برس ڈینگی لاروا ملنے پر شہریوں اور کاروباری حلقوں کے خلاف 2929ایف آئی آر درج ہیں اور 1113 عمارتیں سر بمہر 2279 چالان ٹکٹ جاری کیے گئے ہیں۔ابتک ڈینگی لاروا وارننگ کے باوجود دوبارہ ملنے پر 1 کروڑ 51 لاکھ 53 ہزار 5سو روپے جرمانہ کیا گیا ہے۔
