پنجاب حکومت نے سیاسی اجتماعات اور احتجاجی مظاہروں پر پابندی لگا دی

پنجاب حکومت نے لاہور میں 6 دن کے لیے دفعہ 144 کا فوری نفاذ کر تے ہوئے ہر قسم کے سیاسی اجتماعات، دھرنے، جلسے، مظاہرے، احتجاج اور ایسی تمام سرگرمیوں پر پابندی عائد کر دی ہے۔

تفصیلات کے مطابق پنجاب حکومت نے صوبے میں پی ٹی آئی کے احتجاج کے پیشِ نظر لاہور میں 6 دن کے لیے دفعہ 144 کے نفاز کےفوری اطلاق کا اعلان کرتے ہوئے صوبے میں ہر قسم کے سیاسی اجتماعات، دھرنے، جلسے، مظاہرے، احتجاج اور ایسی تمام سرگرمیوں پر پابندی عائد کر د ی ہے۔
پنجاب حکومت کی جانب سے جاری نوٹیفکیشن کے مطابق پابندی کا اطلاق جمعرات 3 اکتوبر سے منگل 8 اکتوبر تک ہو گا اورامن و امان کے قیام، انسانی جانوں اور املاک کے تحفظ کیلئے دفعہ 144 نافذ کی گئی ہے۔

مزید پڑھیں: اڈیالہ جیل کے ڈپٹی سپرنٹنڈنٹ، اسسٹنٹ سپرنٹنڈنٹ اور 4اہلکار برطرف

ترجمان محکمہ داخلہ پنجاب حکومت کے مطابق سکیورٹی خطرات کے پیش نظر کوئی بھی عوامی اجتماع دہشت گردوں کیلئے سافٹ ٹارگٹ ہو سکتا ہے اوردفعہ 144 کے نفاذ کا فیصلہ ضلعی انتظامیہ کی سفارش پر کیا گیا ہے۔ محکمہ داخلہ نے دفعہ 144 کے نفاذ کا نوٹیفکیشن جاری کر دیا ہے۔