By محکمہ موسمیات نے خیبرپختونخوا اور گلگت بلتستان میں بارش کی پیشگوئی کردی۔
رپورٹ کے مطابق جمعہ کے روز اسلام آباد اور گردونواح میں موسم گرم اور خشک رہنے کا امکان ہے۔
خیبرپختونخوا کے بیشتر اضلاع میں بھی موسم گرم اور خشک رہنے کی توقع ہے تاہم شام اور رات کے وقت چترال، دیر، کوہستان اور سوات میں چند مقامات پر گرج چمک کے ساتھ ہلکی بارش کی پیشگوئی کی گئی ہے۔
مزید پڑھیں: 4 اکتوبر کو ڈی چوک پر پُرامن احتجاج سے متعلق علیمہ خان کا اہم بیان آگیا
پنجاب کے بیشتر بالائی اضلاع میں بھی موسم گرم اور خشک رہے گا جبکہ بلوچستان کے بیشتر اضلاع میں بھی اسی قسم کا موسم متوقع ہے۔
سندھ کے بیشتر اضلاع میں موسم گرم اور مرطوب رہے گا۔دوسری جانب کشمیر میں موسم خشک رہنے کی توقع ہےجبکہ گلگت بلتستان میں مطلع جزوی ابرآلود رہے گا اور شام یا رات کے وقت چند مقامات پر گرج چمک کے ساتھ ہلکی بارش بھی ہو سکتی ہے۔
