تحریک انصاف نے قومی اسمبلی اجلاس کے لیے حکمت عملی طے کر لی

تحریک انصاف نے قومی اسمبلی کے اجلاس میں شرکت کے حوالے سے اپنی حکمت عملی طے کر لی ہے۔

ذرائع کے مطابق اجلاس میں تمام ارکان شرکت نہیں کریں گے، بلکہ صرف چند مرکزی قائدین ہی پارلیمنٹ آئیں گے۔ پی ٹی آئی کے زیادہ تر ارکان قومی اسمبلی منظر عام سے غائب ہیں اور کئی ارکان نے اجلاس میں شرکت سے اجتناب کیا ہے۔ اپوزیشن لیڈر عمر ایوب نے پارلیمانی پارٹی کے اجلاس میں شرکت کے حوالے سے اپنا موقف پیش کرتے ہوئے کہا کہ کل کے پارلیمانی امور سے متعلق اجلاس میں شرکت کا حتمی فیصلہ ابھی نہیں ہوا ہے۔

یہ بھی پڑھیں: سوزوکی نے موٹر سائیکلز کی قیمتوں میں اضافہ کر دیا

انہوں نے مزید وضاحت کی کہ پارلیمانی جماعتوں کے اجلاس میں شرکت کے معاملے کو پارٹی اجلاس میں زیر بحث لایا جائے گا، اور اس فیصلے کا اعلان باہمی مشاورت کے بعد کیا جائے گا۔ عمر ایوب نے یہ بھی کہا کہ وہ مولانا فضل الرحمان سے آئینی ترمیم کے مسودے پر مشاورت کے بعد ہی اجلاس میں شرکت کریں گے۔ انہوں نے اپوزیشن اتحادی جماعتوں سے بھی مشاورت کا عزم ظاہر کیا ہے، تاکہ مشترکہ حکمت عملی ترتیب دی جا سکے۔