سرے سے تعلق رکھنے والے رچرڈ اور میلیسا ڈنہم کے پالتو خرگوش ’ہربی‘ کی عمر 15 سال اور 82 دن تصدیق کی گئی، جو عام خرگوشوں کی عمر سے کہیں زیادہ ہے۔
ہربی ایک لائین ہیڈ نسل کا خرگوش ہے جسے ڈنہم فیملی نے صرف 8 ہفتے کی عمر میں اپنایا تھا تاکہ وہ ان کے دوسرے خرگوش “فلاپسی” کا ساتھی بن سکے۔ دونوں کے درمیان گہری دوستی رہی اور وہ تقریباً 10 سال تک ایک ساتھ رہے۔
میلیسا کے مطابق ہربی نہایت زندہ دل اور شرارتی مزاج رکھتا ہے۔ جوانی میں اسے اپنے مالک کے ساتھ ’چیسنگ گیم‘ کھیلنا بہت پسند تھا، وہ جان بوجھ کر بھاگتا اور پھر رک کر دوبارہ پکڑے جانے کا انتظار کرتا۔
اب بڑھاپے میں ہربی زیادہ تر وقت اپنے مالکان کے ساتھ صوفے پر آرام کرتے ہوئے گزارتا ہے یا باغ میں دھوپ سے لطف اندوز ہوتا ہے۔دلچسپ بات یہ ہے کہ ہربی نے اپنی متوقع عمر سے دگنی زندگی گزار کر ایک نیا عالمی ریکارڈ قائم کر دیا ہے
ہربی کی کہانی صرف ایک ریکارڈ نہیں، بلکہ ایک پیاری اور دل کو چھو لینے والی ایسی بات ہے جو یہ یاد دلاتی ہے کہ محبت، دیکھ بھال اور ساتھ انسان یا جانور، سب کی زندگی میں سالوں کو نہیں بلکہ خوشیوں کو بڑھا دیتا ہے۔ اپنی سادہ سی زندگی میں ہربی نے یہ ثابت کر دیا کہ چھوٹی سی مخلوق بھی دنیا میں بڑا اثر چھوڑ سکتی ہے، اور اس کی مسکراہٹ جیسی موجودگی اسے ہمیشہ یادگار بنا دیتی ہے۔
By 
