نیب کا بشریٰ بی بی کو گرفتار کرنے کا فیصلہ

نیب نے بانی پی ٹی آئی کی اہلیہ بشریٰ بی بی کو گرفتار کرنے کا فیصلہ کرلیا۔

ذرائع کے مطابق نیب راولپنڈی کی ٹیم کو خیبر پختونخوا بھجوادیا گیا ہے، بشریٰ بی بی کو 190ملین پاؤنڈ کیس میں وارنٹ گرفتاری جاری ہونے پر گرفتار کیا جائے گا۔

خیبرپختونخوا اسمبلی کا ہنگامی اجلاس آج رات طلب

ذرائع کے مطابق نیب ٹیم 3روز قبل بھی خیبر پختونخوا میں بشر یٰ بی بی کی گرفتاری کی کوشش کرتی رہی، اب دوبارہ سے نیب کی ٹیم گرفتاری کیلئے تشکیل دی گئی۔

نیب خیبر پختونخوا کو بھی ٹیم سے مکمل تعاون کی ہدایت جاری کی گئی ہے، بشر یٰ بی بی کی گرفتاری کیلئے نیب خیبر پختونخوا پولیس کی بھی مدد لے گی۔