یومِ اقبال کے موقع پر ملکی قیادت کی جانب سے شاعرِ مشرق کو زبردست خراجِ عقیدت پیش کیا گیا ہے، جہاں ان کے افکار کو آج کے دور میں بھی قوم کے لیے رہنمائی کا اہم ذریعہ قرار دیا گیا۔
صدر مملکت اور وزیراعظم نے اپنے الگ الگ پیغامات میں کہا کہ علامہ اقبالؒ کی فکر ایک منصفانہ، انسان دوست اور مستحکم معاشرے کی تشکیل کے لیے مشعلِ راہ ہے۔
صدر مملکت نے اپنے بیان میں کہا کہ علامہ اقبالؒ کا تصورِ خودی اور سماجی انصاف ایک مضبوط اور خود کفیل پاکستان کے قیام میں بنیادی حیثیت رکھتا ہے۔
ان کے مطابق اقبالؒ کے افکار نہ صرف فرد کی اصلاح کرتے ہیں بلکہ ایک متوازن اور عادلانہ نظام کی بنیاد بھی فراہم کرتے ہیں۔
وز یر اعظم شہباز شریف نے کہا کہ موجودہ حالات میں بھی اقبالؒ کی تعلیمات غیر معمولی اہمیت کی حامل ہیں اور قوم کو اتحاد، علم اور شعور کے ذریعے آگے بڑھنے کی ضرورت ہے۔
انہوں نے مزید کہا کہ اقبالؒ نے محبت، اخوت اور بیداری ملت کو زندگی کا مقصد قرار دیا اور انہی اصولوں پر عمل کر کے ایک روشن مستقبل کی بنیاد رکھی جا سکتی ہے۔
علامہ اقبالؒ کے افکار آج بھی نہ صرف پاکستان بلکہ پوری امت کے لیے ایک مضبوط فکری اساس فراہم کرتے ہیں اور ان کی تعلیمات پر عمل ہی ترقی و استحکام کی ضمانت ہے۔
By 
