ڈھاکا: بنگلہ دیش نے پاکستانیوں کیلئے سیکیورٹی کلیئرنس کی شرط ختم کر دی۔
بھارت نواز بنگلہ دیش کی معزول وزیراعظم شیخ حسینہ کے بھارت فرار ہوجانے کے بعد سے ڈھاکہ اور اسلام آباد کے مابین تعلقات تیزی سے بہتری کی جانب گامزن ہیں۔
نئی دہلی کی جانب سے اس نئی پیش رفت پر روایتی انداز میں مخالف پروپیگنڈا جاری ہے۔بنگلہ د یشی میڈیا کا کہنا ہے کہ بنگلہ دیش نے پاکستانیوں کے لیے سیکیورٹی کلیئرنس کی شرط ختم کردی ہے۔
اس نئی پیش رفت نے بھارتیوں کی چیخیں نکال دی ہیں،ایک بھارتی صارف نے لکھا کہ جس رفتار سے معاملات طے پارہے ہیں آئندہ ایک دو برس میں بنگلہ د یش پاکستان میں ضم ہوجائے گا۔
اس سے قبل پاکستان اور بنگلہ د یش کے درمیان تقریباً 20 سال بعد اہم پیش رفت سامنے آئی تھی کہ پاکستان سے ایک مال بردار بحری جہاز پہلی بار بنگلہ دیش پہنچا تھا۔
شیخ حسینہ کی حکومت گرنے کے بعد عبوری حکومت کا کنٹرول محمد یونس نے سنبھالا ہے۔بنگلہ دیشی میڈیا کے مطابق پاکستان اور بنگلہ دیش کی تجارت پر 2009 سے سابق وزیر اعظم شیخ حسینہ واجد نے مختلف پابندیاں عائد کی تھیں اور بعض مصنوعات کو ریڈ لسٹ میں شامل کیا تھا۔
بنگلہ دیش میں پاکستانی سفارت خانے کے حکام کا کہنا تھا کہ سابق وزیر اعظم شیخ حسینہ کی حکومت جانے کے بعد دونوں ممالک کے تاجروں نے کوششیں شروع کر دی تھیں کہ کسی طرح بنگلہ دیش پاکستانی مصنوعات پر سے ریڈ لسٹ کے لیبل کو ہٹا دے اور اس میں کامیابی اس سال ستمبر کے مہینے میں ملی۔
By 
