پانچ لاکھ تک بلا سود قرضہ، خیبر پختونخوا حکومت کا نوجوانوں کو ہنرمند اور باروزگار بنانے کیلئے اہم اقدام

خیبر پختونخوا حکومت نے نوجوانوں کو ہنرمند اور باروزگار بنانے، جدید فنی تربیت اور روزگار فراہم کرنے کیلئے چار اہم پروگراموں کا اجراء کردیا۔

احساس ہنر پروگرام کے تحت ہنرمند نوجوانوں کوکاروبار کے لئے صوبائی حکومت کی جانب سے 5 لاکھ روپے تک بلاسود قرضے دیئے جائیں گے۔

صوبے کے 35 ہزار سے زائد ہنر مند نوجوان پروگرام سے مستفید ہوں گے جبکہ خودروزگاری کے فروغ کیلئے 42 ہزار ہنر مند نوجوانوں کوفی کس اوسطاً 300 ڈالر مالی معاونت فراہم کی جائے گی۔

حکومت کا فیڈرل بورڈ کے ٹاپ 120 طلبہ کو مفت الیکٹرک بائیکس دینے کا فیصلہ

وزیر اعلیٰ ہاؤس میں خیبرپختونخوا ٹیوٹا کے زیر انتظام احساس ہنر پروگرام اور دیگر اسکیموں کے اجراء کی تقریب میں وزیر اعلیٰ علی امین خان گنڈاپور نے بحیثیت مہمان خصوصی شرکت کی۔

4 ارب روپے کی لاگت سے شروع کیے گئے احساس ہنر پروگرام پراخوت مائیکرو فنانس کے ذریعے عملدرآمد کیا جائے گا،رواں مالی سال کے بجٹ میں اس پروگرام کے لئے 2 ارب روپے مختص کئے گئے ہیں۔ اس پروگرام کے تحت ہنر مند نوجوانوں کوکاروبار کیلئے 5 لاکھ روپے تک بلاسودقرضے فراہم کئے جائیں گے۔