عماد وسیم نے انٹرنیشنل کرکٹ سے ریٹائرمنٹ لے لی

پاکستان کے قومی کرکٹر عماد وسیم نے انٹرنیشنل کرکٹ سے ریٹائرمنٹ لینے کا اعلان کر دیا۔

عماد وسیم نے اپنے فیصلے کے حوالے سے کہا کہ یہ فیصلہ انہوں نے کافی سوچ بچار کے بعد کیا ہے۔ انہوں نے کہا کہ دنیا بھر میں پاکستان کی نمائندگی کرنا میرے لیے ہمیشہ اعزاز کی بات رہی ہے۔ گرین شرٹ پہنی تو وہ لمحے ہمیشہ میرے لیے یادگاری رہیں گے۔

مزید پڑھیں: حارث رؤف آئی سی سی مینز پلیئر آف دی منتھ قرار

دوسری جانب جیسن گلیسپی کے استعفیٰ دینے کے بعد پاکستان کرکٹ بورڈ (پی سی بی ) نے ان کے مستعفی ہونے کی تصدیق کرتے ہوئے عاقب جاوید کو ریڈ بال کا قومی ٹیم کا نیاعبوری ہیڈ کوچ مقرر کردیا۔

اس کے علاوہ عاقب جاوید وائٹ بال کے بھی عبوری ہیڈ کوچ ہیں۔ذرائع کا کہنا ہے کہ قومی ٹیم کے ریڈ بال ہیڈ کوچ جیسن گلیسپی کی بورڈ کے ساتھ سلیکشن کمیٹی کا حصہ برقرار نہ رہنے پر ناراضگی شروع ہوئی۔

بعد ازاں انہوں نے اپنے مطالبات منظور نہ ہونے پر مستعفی ہونے کا فیصلہ کیا۔ جیسن گلیسپی نے سلیکشن کمیٹی کا حصہ برقرار نہ رہنے کے بعد دونوں فارمیٹ کا ہیڈ کوچ بننا چاہا، دونوں فارمیٹ کے کوچ بننے کے ساتھ مزید معاوضے کا بھی مطالبہ کیا۔

ذرائع کے مطابق چیئرمین پی سی بی محسن نقوی نے جیسن گلیسپی کی جانب سے معاوضے میں اضافے کا مطالبے کو ماننے سے انکار کردیا تھا۔ کرکٹ بورڈ نے جسین گلیسپی کو پاکستان میں زیادہ رہنے کا کہا جس پر بھی وہ رضامند نہیں تھے۔ گیری کرسٹن نے بھی سیریز کے علاوہ پاکستان رہنے سے انکار کیا تھا۔