بلوچستان میں تعلیمی اداروں میں موسم سرما کی تعطیلات کا اعلان

محکمہ تعلیم بلوچستان نے موسم سرما کی تعطیلات کا اعلان کر دیا۔

محکمہ تعلیم کی جانب سے جاری نوٹیفکیشن کے مطابق بلوچستان کے سرد علاقوں کے تعلیمی اداروں میں 16 دسمبر 2024 سے لے کر 28 فروری 2025 تک تعطیلات ہوں گی جبکہ بلوچستان کے گرم علاقوں کے اسکولوں میں 1 جنوری 2025 سے 10 جنوری 2025 تک چھٹیاں ہوں گی۔

مزید پڑھیں: سندھ حکومت کا 25 اور 26 دسمبر 2024 کو عام تعطیلات کا اعلان

سرد علاقوں کے تعلیمی ادارے 28 فروری کو بند رہیں گے اور 1 مارچ 2025 کو دوبارہ کھولے جائیں گے۔ جبکہ گرم علاقوں کے اسکول 11 جنوری 2025 سے دوبارہ کھلیں گے۔

محکمہ تعلیم بلوچستان کی جانب سے سرد اور گرم علاقوں کے لیے مختلف مدت کی تعطیلات کا نوٹیفکیشن جاری کیا گیا ۔