ملک میں سیمنٹ کی قیمتیں مستحکم رہیں

پاکستان میں سیمنٹ کی قیمتوں میں گزشتہ ہفتے استحکام رہا۔

ادارہ شماریات پاکستان (پی بی ایس) کی جانب سے جاری کردہ اعدادوشمار کے مطابق 12 دسمبر کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط قیمت 1433 روپے ریکارڈ کی گئی، جو پچھلے ہفتے کے مقابلے میں 0.47 فیصد کم تھی جبکہ پچھلے ہفتے یہ قیمت 1440 روپے تھی۔

مزید پڑھیں: ایل پی جی کی قیمتوں میں من مانا اضافہ

جنوبی شہروں میں سیمنٹ کی فی بوری کی قیمت 1385 روپے رہی، جو پچھلے ہفتے کے برابر تھی۔ مختلف شہروں میں سیمنٹ کی قیمتیں اس طرح ریکارڈ کی گئیں۔اسلام آباد میں 1397 روپے، راولپنڈی میں 1388 روپے، گوجرانوالہ میں 1450 روپے، لاہور میں 1493 روپے، فیصل آباد میں 1430 روپے، ملتان میں 1441 روپے، پشاور میں 1450 روپے اور کراچی میں 1340 روپے۔

دیگر شہروں میں بھی قیمتیں مختلف سطحوں پر ریکارڈ کی گئیں، جن میں حیدرآباد، سکھر، کوئٹہ اور خضدار شامل ہیں۔ ماہرین کے مطابق سیمنٹ کی قیمتوں میں استحکام سے تعمیراتی شعبے میں معمولی سکونت کی توقع ہے، مگر قیمتوں میں کسی بڑی تبدیلی کا امکان ابھی باقی ہے۔