سندھ، شناختی کارڈ اور بے فارم بنوانے والوں کو نادرا نے بڑی سہولت دے دی

سندھ میں شناختی کارڈ اور بے فارم بنوانے والے شہریوں کو نادرا نے نئی سہولت فراہم کر دی۔

نجی ٹی وی کے مطابق نادرا کی جانب سے کراچی اور اندرون سندھ کے شہریوں کیلئے گھر بیٹھے شناختی کارڈ بنوانے کی سہولت کا آغاز 20 جنوری سے ہوگا، بائیکر سروس سے نیا شناختی کارڈ، تجدید اور بے فارم بنوایا جا سکے گا۔

نا درا حکام کے مطابق  بائیکرسروس کا آغاز کراچی، حیدرآباد اور میرپور خاص کے لئے ہوگا جبکہ کراچی ریجن میں سروس کا آغاز پیر 20 جنوری سے ہو جائے گا۔

سندھ حکومت نے کراچی میں میڈیا یونیورسٹی کے قیام کا فیصلہ کیا ہے

کراچی کیلئے 3 ، حیدرآباد اور میرپور خاص کے لئے ایک ایک موٹرسائیکل مختص کی گئی ہے۔ حکام کے مطابق بائیک سروس کے نمائندے بیک پیک (پراسیس کے آلات) سے لیس ہوں گے۔

اس سہولت سے فائدہ اٹھانے کیلئے ایک ہزار روپے فیس رکھی گئی ہے، اس میں 825 روپے سروس اور 175 روپے ڈیلیوری چارجز ہیں۔