پاکستان تحریک انصاف گرینڈ اپوزیشن الائنس بنائے گی : شیخ وقاص اکرم

پاکستان تحریک انصاف کے مرکزی سیکرٹری اطلاعات شیخ وقاص اکرم نے کہا کہ یہ طے ہو چکا ہے کہ حکومت کیساتھ مذاکرات کی میز پر نہیں بیٹھیں گے، پارٹی گرینڈ اپوزیشن الائنس بنائے گی۔

تفصیلات کے مطابق نجی ٹی وی چینل میں میزبان کے ساتھ گفتگو کرتے ہوئے شیخ وقاص اکرم نے کہا کہ حکومت نے خود 28 جنوری کو اجلاس بلایا۔ پی ٹی آئی نے ملاقات کا نہیں کہا۔ پی ٹی آئی ہی موقع دے سکتی تھی، مذاکراتی کمیٹی نہیں جو مذاکرات جاری رکھنے کا موقع دے گی۔

یہ بھی پڑھیں:نکاح کیس میں عمران خان اور بشریٰ بی بی کی بریت کیخلاف اپیل سماعت کیلئے مقرر

ہم پیپلز پارٹی کو حزب اختلاف کے گرینڈ الائنس کیلئے مدعو نہیں کریں گے۔ یہ ایسا ہے کہ اتحادی پارٹنر حکومت کو بلیک میل کر رہا ہے ،پی ٹی آئی رہنما نے کہا۔اگر پیپلز پارٹی حکومت سے خوش نہیں تو اس سے الگ کیوں نہیں ہو جاتی؟۔

پی ٹی آئی کے مرکزی سیکرٹری اطلاعات نے کہا کہ اگر بلاول بھٹو زرداری شہباز شریف کو حکومت میں پانچ سال مکمل کرنے کا موقع دے رہے ہیں تو وہ کیوں رو رہے ہیں۔

یہ بھی پڑھیں:ملک بھر میں پاکستان تحریک انصاف خواتین میں مقبول جماعت ہے: فافن رپورٹ جاری

علی امین گنڈا پور ہی تھے جنہوں نے جنید اکبر کو کے پی پی ٹی آئی کا صوبائی صدر بننے پر مبارکباد دی۔ شیخ وقاص اکرم نے مزید کہا کہ ریاستی مشینری کیساتھ چلنا وزیراعلیٰ خیبر پختونخوا کا اعزاز ہے۔