بجلی قیمتوں کے بنیادی ٹیرف میں 8 سے 10 روپے فی یونٹ تک کمی کی جائیگی۔
نجی ٹی وی کے مطابق بجلی کے نرخوں میں کمی کیلئے ٹیکسوں میں کمی کے منصوبے کو آئی ایم ایف کی جانب سے مسترد کئے جانے کے بعد حکومت نے ایک نیا پلان تیار کیا ہے، جس سے گردشی قرضے کے حجم کو بھی ختم کیا جائیگا۔
اس منصوبے کے تحت، قرضوں کی ادائیگی میں 1.3 کھرب روپے کی کمی سے پیدا ہونے والی مالی گنجائش کو استعمال میں لایا جائے گا تاکہ بجلی کے شعبے میں جاری مالی نقصانات کاحل ممکن بنایا جا سکے ۔
ایک اعلیٰ سرکاری ذرائع نے گفتگو کرتے ہوئے تصدیق کی کہ اس دستیاب مالی گنجائش کا ایک بڑا حصہ یعنی تقریباً ایک کھرب روپے، گردشی قرضے کے ذخائر کو ختم کرنے کیلئے استعمال کیا جائے گا۔
سرکاری ذر ائع نے مزید بتایا کہ آئی ایم ایف کا جائزہ مشن 4 مارچ 2025 سے اسلام آباد کا دورہ کرے گا تاکہ 7 ارب ڈالر کے توسیعی فنڈ سہولت (ای ایف ایف)کے پہلے جائزے پر مذاکرات کئے جا سکیں۔
By 
