خصوصی سرمایہ کاری سہولت کونسل ایس آئی ایف سی) کے تعاون سے پاکستان اور ترکی کے درمیان سرمایہ کاری و تجارتی تعاون میں نئی پیشرفت سامنے آئی ہےاور پاکستان اور ترکی کے مابین 5 ارب ڈالر کے تجارتی ہدف کے لیئے عملی اقدامات کا اغاز کیا جا رہا ہے۔
تفصیلات کے مطابق خصوصی سرمایہ کاری سہولت کونسل کی کاوشوں سے پاکستان اور ترکی کے مابین 5 ارب ڈالر کے تجارتی ہدف کے حصول کے لیے عملی اقدامات کا آغاز ہو رہا ہے۔ ایس آئی ایف سی کے تعاون سے حکومت کی جانب سے سرمایہ کاری کے فروغ کے لیے مربوط حکمت عملی تیار کی جا رہی ہے۔
پاکستان اور ترکی سیاحت، تعلیم، آئی ٹی، انفراسٹرکچر اور دفاعی شعبے سمیت جدید ٹیکنالوجی منتقلی پر مزید تعاون کو فروغ دیں گے ۔پاکستانی کھیلوں کے سامان اور جراحی آلات کے ذریعے برآمدات میں اضافے اور تجارتی تعاون کو مزید مستحکم کرنے کے لیے پرعزم ہے۔
مشترکہ تاریخ و ثقافت کی بدولت دونوں ممالک کا طلباء کے تبادلے کے ذریعے تعلیمی و برادرانہ بڑھانے کی خواہش کا اظہار کیا ہے۔
باہمی تجارت کے فروغ کے حوالے سے دوطرفہ و عالمی امور پر مشاورت اور ہم آہنگی کے لیے دونوں ممالک کا “شورائے اخوت” کے قیام پر اتفاق رائے کیا گیا ہے۔
فری ٹریڈ ایگریمنٹ کے تحت پاکستان اور ترکی کا مزید اشیاء کی تجارت کے دائرہ کار کو وسعت دینے کا اعلان کیا گیا ہے۔
دوسری جانب ترکی سی پیک سے منسلک ہونے کا خواہاں، علاقائی انضمام اور تجارتی روابط کے فروغ کے لیئے بھی کوشاں ہے۔
تجارت کے فروغ کے لیے پاکستان اور ترکی تجارتی نمائشوں کا انعقاد کرنے کا عزم، پاکستانی تاجروں کو ترکی میں کاروباری مواقع تلاش کرنے کی دعوت اور باہمی تعاون کو بھی یقینی بنانے پر اتفاقِ رائے ہوا ہے۔
ترک کمپنیوں کے لیے کاروباری عمل کو آسان بنانے میں ایس آئی ایف سی کے کلیدی کردار کی تعریف بھی سامنے آئی ہے اوراستنبول مال بردار ٹرین کی بحالی پر کام جاری، دونوں ممالک تجارتی روابط میں استحکام لانے کے خواہاں ہے۔
ایس آئی ایف سی کی جانب سے عالمی برادری کے اعتماد کی بحالی کے ذریعے ملک میں غیرملکی سرمایہ کاری کے فروغ اور معاشی ترقی کی راہیں ہموار کیجا رہی ہیں۔
By 
