چینی کی بڑھتی قیمت قابو سے باہر، کئی شہروں میں قیمت 200 روپے تک کی بلند ترین سطح پر پہنچ گئی

ملک میں چینی کی بڑھتی قیمتیں کنٹرول نہ ہو سکیں، کئی شہروں میں چینی کی قیمت  185سے200  روپے کلو تک کی بلند ترین سطح پر پہنچ گئی۔

نجی ٹی وی کے مطابق مسابقتی کمیشن نے چینی کی قیمتوں میں اضافے پر ممکنہ کارٹلائزیشن کے خلاف سخت کارروائی کی وارننگ جاری کردی ہے۔

پاکستان میں غیر ملکی سرمایہ کاری میں بڑا اضافہ ہو گیا

مارکیٹ ذرائع کے مطابق مختلف مقامات پر کھلی چینی 180 سے 185 روپے فی کلو جبکہ پیکنگ والی چینی 200 روپے فی کلو تک فروخت ہو رہی ہے۔

شوگر ملز مالکان، ڈیلرز اور ریٹیلرز قیمتوں میں اضافے کے لیے ایک دوسرے کو ذمہ دار قرار دے رہے ہیں تاہم کسی بھی فریق کی جانب سے باضابطہ وضاحت سامنے نہیں آئی۔