اے این پی کے صدر ایمل ولی خان نے سعودی عرب کے ساتھ اتوار کو عید منانے کا اعلان کر دیا۔
نجی ٹی وی کے مطابق عوامی نیشنل پارٹی کے مرکزی صدر نے کہا کہ ہم رمضان المبارک کی طرح عید بھی مسلم دنیا کے ساتھ منائیں گے، تمام کارکنوں، ساتھیوں، الیکٹبلز اور پارٹی ذمہ داران سے اپیل کروں گا کہ اس عید کو سادگی سے منائیں۔
ان کا کہنا تھا کہ موجودہ حالات کے پیش نظر بڑے اجتماعات اور ہجوم سے گریز کیا جائے اور اپنی اور دوسروں کی جان کی حفاظت کو اولین ترجیح دیں۔
اے این پی کے صدر نے کارکنوں سے کہا کہ آپ کی قیمتی زندگیاں، امن و استحکام اور موجودہ حالات کو مدنظر رکھتے ہوئے اس عید پر بھی ہم اور آپ ولی باغ میں نہیں مل سکیں گے۔
انہوں نے اپنے پیغام میں کہا کہ اس عید کے موقع پر اپنے ارد گرد موجود غربا، ضرورت مندوں اور بے سہارا لوگوں کا خصوصی خیال رکھیں۔
By 
