وزیراعلیٰ خیبرپختونخوا علی امین گنڈاپور نے کہا کہ عمران خان کی جرات اور بہادری سے لوگ حواس باختہ ہیں، ہم عمران خان کی باعزت رہائی کیلئے ہر حد تک جائیں گے اور وہ باعزت بری ہوں گے۔
وزیراعلیٰ علی امین گنڈاپور نے آج غیر رسمی گفتگو کرتے ہوئے کہا کہ عمران خان کی باعزت رہائی کیلئے ہر حد تک جائیں گے۔ عمران خان کو 600 دنوں سے غیرقانونی پابند سلاسل کیا گیا ہے۔ انہوں نے کہا کہ عمران خان کی جرات اور بہادری سے لوگ حواس باختہ ہیں کیونکہ انہوں نے نہ سرجھکایا اور نہ ہی ان کیساتھ کوئی ڈیل کی۔
علی امین نے کہا کہ عدالتی احکامات کے باوجودعمران خان سے ملاقات نہیں کرنے ی جارہی،فارم 47 والی حکومت مکمل طور پر ناکام ہوچکی ہے۔ پاکستان تحریک انصاف کا مینڈیٹ چوری کرکے چوروں کو حکومت دی گئی۔
وزیراعلیٰ نے کہا کہ یہ لوگ ہمیشہ چور دروازوں سے حکومت میں آئے اور قانون جیسے ہی حرکت میں آتا ہے تو یہ ب لندن بھاگ جاتے ہیں۔ ان کا کہنا تھا کہ ملک میں آئین و قانون کی بالادستی کیلئے عمران خان، بشریٰ بی بی سمیت پی ٹی آئی کے تمام قائدین کو رہا کرنا ہوگا۔
انہوں نے مزید کہا کہ عمران خان روشن پاکستان کی نوید لے کر باعزت بری ہوں گے اور مطالبہ کیا کہ ملک میں معاشی و سیاسی استحکام کیلئے جعلی حکومت کو مستعفی ہونا چاہئے۔
By 
