مریم اورنگزیب نے چڑیا گھر کے ٹکٹ کی قیمتوں پر وضاحت جاری کر دی

پنجاب کی سینئر وزیر مریم اورنگزیب نے چڑیا گھر کے ٹکٹ کی قیمت میں اضافے سے متعلق وضاحت جاری کر دی ہے۔

نجی ٹی وی سے بات کرتے ہوئے سینئر صوبائی وزیر کہا کہ چڑیا گھر میں بڑوں کے لیے انٹری ٹکٹ 100روپے ہی ہے اور 100روپے میں 98فیصد چڑیا گھر دیکھا جا سکتا ہے۔

بلوچستان کی ترقی کیلئے وفاقی حکومت ہر ممکن تعاون فراہم کرے گی،وزیراعظم

ان کا کہنا تھا کہ ایکوریم کا ٹکٹ 200اور ہولوگرام کا ٹکٹ 300روپے الگ سے ہے، اس طرح چڑیا گھر دیکھنے کا مکمل پیکج 500روپے ہے۔

سینئر صوبائی وزیر نے کہا کہ بعض لوگوں نے ایکوریم کے ساتھ ملا کر 300روپے کے ٹکٹ خریدے تھے اور بعض افراد نے ایکوریم اور ہولوگرام کو ملا کر 500والے ٹکٹ خریدے تھے، اس طرح یہ غلط فہمی پیدا ہوگئی کہ چڑیا گھر کا ٹکٹ 300یا 500ہوگیا ہے۔