پنجاب میں دکانداروں کو چکن کی قیمتیں خود طے کرنے کی اجازت دیدی گئی

پنجاب حکومت نے صوبے بھر میں چکن پر سے سرکاری قیمتوں کے کنٹرول کو ہٹا دیا ہے، جس سے پولٹری کے تاجر عید الفطر کے بعد اپنی مرضی کے نرخ مقرر کر سکتے ہیں۔ اس سے قبل ریگولیٹڈ قیمتوں کے تحت مرغی کا گوشت595 فی کلوگرام فروخت ہوتا رہا ہے جو اب 800 سے 900 روپے فی کلوگرام تک پہنچ چکا ہے۔

تفصیلات کے مطابق پنجاب میں مرغی کے گوشت کی قیمتوںسے متعل 4 اپریل 2025 کو ایک حکومتی نوٹیفکیشن نے پالیسی میں تبدیلی کی تصدیق کی۔ جس کے تحت یہ حکم — ڈائریکٹر جنرل (ریسرچ)، صوبائی کنٹرولر جنرل پرائسز کی طرف سے جاری کیا گیا — اور تمام ڈپٹی کمشنرز اور ضلعی سطح کے پرائس کنٹرولرز کو بھیج دیا گیا۔

اس نوٹیفیکیشن میں کہا گیا ہے کہ پنجاب پرائس کنٹرول آف ایسنسیشل کموڈٹیز ایکٹ 2024 کے تحت پرائس کنٹرول کونسل کے چھٹے اجلاس کے دوران کیے گئے فیصلے کی بنیاد پر، صوبہ اب صرف زندہ مرغیوں کے ریٹ کو مطلع کرے گا۔ مرغی کے گوشت کی قیمتیں اب سرکاری طور پر مقرر یا نگرانی نہیں کی جائیں گی۔

نتیجے کے طور پر، پولٹری بیچنے والے اب آزادانہ طور پر چکن کے گوشت کی قیمتوں کا تعین کر رہے ہیں، اور اس تبدیلی نے صارفین میں مایوسی کو جنم دیا ہے۔

ڈی ریگولیشن کے بعد، کئی شہریوں نے تحفظات کا اظہار کیا اور قیمتوں میں مزید اضافے کو روکنے کے لیے ریگولیٹڈ قیمتوں کی بحالی کا مطالبہ کیا۔ بہت سے لوگوں نے حکومت پر زور دیا ہے کہ وہ مارکیٹ کے نظم و ضبط کو نافذ کرے اور خریداروں کو ممکنہ استحصال سے بچائے۔