‘پہلگام واقعے پر شفاف تحقیقات کے مطالبے پر بھارت بیک فٹ پر چلا گیا’

 وزیراعظم کے کوآرڈینیٹر رانا احسان افضل نے کہا ہے کہ پہلگام واقعے پر شفاف تحقیقات کے مطالبے پر بھارت بیک فٹ پر چلا گیا۔

تفصیلات کے مطابق وزیر اعظم کے کو آردینیٹر رانا احسان افضل کاکہنا ہےکہ بھارت نےپاکستان پرجھوٹا الزام لگایا، وزیراعظم نےبھارت کو غیرجانبدارانہ تحقیقات کرانے کا کہا ہے۔ انہوں نے کہا کہ بھارتی حکومت کےموقف کودنیا میں پذیرائی نہیں ملی، بھارت پھنس چکا ہے، مودی سرکارکی دنیا میں سبکی ہورہی ہے، ہندو توا پالیسی کا مقصد مسلمانوں کےخلاف پراپیگنڈا کرنا ہے، بھارتی دہشت گردی کےثبوت دنیا کے سامنے رکھ دیئےہیں۔

کوآرڈنیٹر وزیراعظم کا کہنا تھا کہ جلد جعفرایکسپریس حملےکےشواہد بھی دنیا کےسامنےرکھیں گے، شفاف تحقیقات کے مطالبے پر بھارت بیک فٹ پر چلا گیا، نریندرمودی نےخالی لفافےمیں ہوا بھری تھی، پہلگام واقعہ پربھارت کی اپوزیشن جماعتیں بھی آوازیں اٹھا رہی ہے۔