معرکہ بُنْيَانٌ مَّرْصُوْص: 16 مئی 2025ءکو قومی سطح پر یوم تشکر منانے کا اعلان

 پاکستانی عوام اور افواج پاکستان کو خراج تحسین پیش کرنے اور  معرکہ حق میں تاریخی فتح پر ملک بھر میں  16 مئی 2025ء کویو م تشکر منانے کا اعلان کیا ہے۔ اس موقع پر دن کا آغاز مسجدوں میں قرآن خوانی  اور خصوصی دعاؤں سے کیا جائے گا۔

وفاقی درالحکومت میں 31 جبکہ صوبائی دارلحکومت میں 21 توپوں کی سلامی دی جائے گی۔ جبکہ  مزار قائد اور مزار اقبال پر گارڈز کی تبدیلی کی تقریب کا انعقاد کیا جائے گا۔

یوم تشکر کے موقع پرپرچم کشائی کی تقریبات وفاقی اور صوبائی دارالحکومت میں منعقد کی جائیں گی۔  ملک بھر میں یادگار شہداء  پر  پھول رکھے جائیں گے اور دعائیہ تقریب منعقد ہو گی۔

یہ بھی پڑھیں: معرکہِ بنیان مرصوص: مودی کے پہلگام فالس فلیگ آپریشن پر سابق بھارتی فوجی کے دھماکہ خیز انکشافات

یوم تشکر کی نمایاں تقریب کل رات پاکستان مونومنٹ اسلام آباد میں منعقد ہوگی جس میں  آپریشن  بنیان مرصوص کے شہداء کو خراج عقیدت پیش کرنے کے لیے ان کے لواحقین سے خصوصی ملاقاتیں کی جائیں گی۔

تقریب کے مہمان خصوصی وزیراعظم ہوں گے جبکہ  چیئرمین جوائنٹ چیفس آف اسٹاف کمیٹی اور مسلح افواج کے سربراہ بھی تقریب کا حصہ ہوں گے۔ تقریب میں تمام مکاتب فِکرسے اہم شخصیات شرکت کریں گی۔

یہ بھی پڑھیں: ’’آپریشن بنیان مرصوص‘‘ کے دوران پاک فضائیہ نے بھارتی فضائیہ کو دھول چٹا دی