بھارتی اینکر ارنب گوسوامی کی نفرت انگیزی کا نیا ہدف: پاکستان کے بعد ترکیہ پر حملہ

ویب ڈیسک۔ بھارتی اینکر پرسن ارنب گوسوامی نے پاکستان کے بعد اپنی نفرت اور جارحیت کا رخ ترکیہ کی جانب موڑ دیا۔ احمد آباد میں ایئر انڈیا کے طیارے کو پیش آنے والے حادثے کے بعد ارنب گوسوامی نے ترکیہ کے خلاف زہر اگلنا شروع کر دیا ہے۔

ری پبلک ٹی وی پر اپنے پروگرام میں ارنب گوسوامی نے کہا کہ ایئر انڈیا کے طیاروں کی مینٹینس یعنی مرمت اور دیکھ بھال کا کنٹریکٹ ترکیہ کی کمپنی کو دیا گیا تھا جس کے باعث یہ حادثہ پیش آیا۔ انہوں نے سوال اٹھایا کہ ایئر انڈیا کیسے ایک دشمن ملک ترکیہ کو اپنے طیاروں کی مرمت اور دیکھ بھال کا ٹھیکہ دے سکتا ہے۔ جیسے پاکستان کے ساتھ اس قسم کے معاہدے ممکن نہیں ہیں، ایسے ہی پاکستان کے حمایتی اور بھارت کے دشمن ملک ترکیہ کے ساتھ بھی اس قسم کے معاہدے کرنا غلط ہے۔

#PlaneCrash | Ahmedabad plane crash: Will Air India answer?

On the Nation’s Sharpest Opinion, catch Arnab fire straight facts and pincer questions: https://t.co/BMGsxnabEO pic.twitter.com/zXL1tbmG29

— Republic (@republic) June 12, 2025

انہوں نے مزید کہا کہ ان سمیت کوئی بھی بھارتی کسی ایسی ایئر لائن میں سفر کرنا پسند نہیں کرے گا جس کی مرمت اور دیکھ بھال کا کنٹریکٹ ایک دشمن ملک (ترکیہ) کے پاس ہو۔ ارنب گوسوامی نے ایئر انڈیا کے ذمہ داران سے مطالبہ کیا ہے کہ وہ ترکیہ کی کمپنی کے ساتھ معاہدے کی تفصیل عوام کے سامنے رکھیں۔

یہ بھی پڑھیں: جھوٹی خبریں پھیلانے کا الزام، بھارتی صحافی ارنب گوسوامی کے خلاف مقدمہ درج

انہوں نے مزید کہا کہ ایئر انڈیا کا مذکورہ طیارہ انتہائی خستہ حالی کا شکار تھا اور اس سے قبل ایک پرواز کے دوران ایک مسافر نے اس کی خستہ حالی کے حوالے سے ویڈیو بھی جاری کی تھی۔