آزاد فیکٹ چیک نے بھارتی سوشل میڈیا پر TTP کی جانب سے C-17 طیارہ چوری کا جھوٹا دعویٰ بے نقاب کر دیا

ویب ڈیسک۔ آزاد فیکٹ چیک نے بھارت سے چلنے والے ایکس (سابقہ ٹوئٹر) اکاؤنٹ کی جانب سے پھیلائی گئی ایک اور جھوٹی خبر کو بے نقاب کر دیا ہے، جس میں یہ بے بنیاد دعویٰ کیا گیا تھا کہ تحریکِ طالبان پاکستان (TTP) نے سندھ میں داخل ہو کر رحیم یار خان ایئرپورٹ سے آسٹریلوی C-17 گلوب ماسٹر فوجی طیارہ چوری کر لیا ہے۔

اس جھوٹے دعوے کو “#Breaking” کے ٹیگ کے ساتھ سوشل میڈیا پر وسیع پیمانے پر شیئر کیا گیا۔ مزید یہ دعویٰ بھی کیا گیا کہ TTP نے نائن الیون طرز کے حملے کرنے کے لیے خودکش پائلٹ تیار کیے ہیں، اور وہ اسلام آباد کو نشانہ بنانے کا منصوبہ رکھتے ہیں۔

Azaad Fact Check has debunked misinformation from an India-based X account falsely claiming that an Australian C-17 Globemaster was stolen. The story is entirely fabricated and stems from the account’s imagination. https://t.co/HN4GJ4f3Zo pic.twitter.com/hJ12Wms8FE

— Azaad Fact Check (@azaadfactcheck) July 4, 2025

تاہم، آزاد فیکٹ چیک نے اس پوری کہانی کو مکمل جھوٹ اور بے بنیاد قرار دیتے ہوئے کہا: “ان دعوؤں کی حمایت میں کوئی ثبوت موجود نہیں، یہ مکمل طور پر فرضی کہانی ہے، جس کا مقصد خوف پھیلانا اور گمراہ کن پروپیگنڈہ کرنا ہے۔”

یہ بھی پڑھیں: مائیکروسافٹ پاکستان سے اپنا کاروبار نہیں سمیٹ رہی،بھارت کا جھوٹ پر مبنی پروپیگنڈہ بے نقاب

دلچسپ بات یہ ہے کہ اس جعلی خبر میں صرف الزام تراشی ہی نہیں، بلکہ بنیادی حقائق کی بھی غلط بیانی کی گئی۔ سب سے پہلی غلطی یہ ہے کہ رحیم یار خان سندھ میں نہیں بلکہ پنجاب میں واقع ہے۔

دوسری اور اہم بات یہ ہے کہ C-17 گلوب ماسٹر جیسے جدید اور بھاری فوجی طیارے کو چوری کرنا اور اڑانا نہ صرف لاجسٹک اعتبار سے ناممکن ہے، بلکہ ایسا کوئی اقدام فوری طور پر بین الاقوامی ردعمل کو دعوت دے گا۔

یہ جھوٹا دعویٰ بھارت کے سوشل میڈیا پر پاکستان کے خلاف چلائی جانے والی منظم فیک نیوز مہم کا تازہ ترین واقعہ ہے، جو عموماً غیرمصدقہ اور کنارے پر موجود اکاؤنٹس کے ذریعے پھیلائی جاتی ہے۔

یہ بھی پڑھیں: را کے جعلی ٹوئٹر ہینڈل جھوٹی معلومات دیکر عوام کو گمراہ کرنے میں مصروف