ٹرمپ نےیوکرین کو جدید میزائل دینے کی منظوری د یدی،استعمال سے پہلے یوکرینی فوج پینٹا گون سے اجازت لے گی

صدر ڈونلڈ ٹرمپ نے یوکرین کے ساتھ 850 ملین ڈالر (85 کروڑ ڈالر) مالیت کے اسلحہ معاہدے پر دستخط کر د ئیے ہیں، جس کے تحت امریکہ یوکرین کو 3,350 جدید میزائل فراہم کرے گا۔

امریکی میڈیا کے مطابق یہ میزائل 180 سے 250 کلومیٹر کی رینج رکھتے ہیں اور یوکرین کو روس کے خلاف دفاعی اور جارحانہ حکمت عملی میں اضافی طاقت فراہم کریں گے۔

 یہ خبربھی پڑھیں :صدر ٹرمپ نے ولادیمیر زیلنسکی کو یوکرین کا ’نیا نقشہ‘ پیش کردیا، پیوٹن بھی ملاقات کے لیے تیار
معاہدے کے تحت تمام میزائل چھ ہفتوں کے اندر یوکرین کو فراہم کیے جائیں گے تاہم ان کے استعمال کی نگرانی مکمل طور پر پینٹاگون کرے گا اور یوکرینی افواج بغیر امریکی دفاعی ادارے کی پیشگی اجازت کے ان کا استعمال نہیں کر سکیں گی۔

امریکی ذرائع کے مطابق اس معاہدے کے اخراجات یورپی اتحادی ممالک اٹھائیں گے، جس سے امریکہ پر مالی دباؤ کم ہوگا۔
تجزیہ کاروں کا کہنا ہے کہ یہ معاہدہ امریکہ اور نیٹو کی یوکرین کے ساتھ وابستگی کو واضح کرتا ہے اور خطے میں کشیدگی میں اضافہ کر سکتا ہے۔